Popular Bible Verses from Matius 10

Share

“Kurumbaꞌkei nolou pe lumbura toaꞌ to kodake waliana. Ingkei hibalikei gimba i lumbura serigala. Hangangaa pobobahaꞌkei hibali ule, hei pambiarami hangangaa moromiꞌ hibali merpati.

Angkana hihimo to mampohinte peleihana hadoduona hei metuntu pe Aku kehapoꞌi nirokoꞌ, iomo to hingkiꞌ pahua kotuwuꞌ to wolaꞌ to hawaꞌi mokoꞌukoa. Hihimo to mampetuntui peleihana hadoduona, hawaꞌi hingkiꞌ pahua kotuwuꞌ to wolaꞌ to hawaꞌi mokoꞌukoa.

Inioꞌkei mangkorokaꞌ toaꞌ to dokoꞌhi morokoꞌkei, alaꞌ wotalu to wadi nirokoꞌ, angkana hawaꞌhi makuasaꞌ morokoꞌ tanuanaꞌmi. To hangangaa ikorokaꞌkei iomo Pueꞌ Ala, alaꞌ Io to makuasaꞌ motube wotami hante tanuanaꞌmi pe lali naraka.

Hihimo to hawaꞌi mantaha i lali komaporiꞌ wute mahi nokomi petuntuna pe Aku, hawaꞌi masipatoꞌ mewali topetuntuKu.

Hihimo to mampangakuꞌ petuntuna pe Aku i hinarona toaꞌ ntaniꞌ, Aku woꞌo hingkiꞌ mampangakuꞌi i hinarona UmoꞌKu i suruga. Angkana himo to mosapuaka petuntuna pe Aku i hinarona toaꞌ ntaniꞌna, Aku woꞌo hingkiꞌ mosapuakaꞌi i hinarona UmoꞌKu i suruga.”

Ipokoꞌoriꞌkei toaꞌ to mohakiꞌ, ipatuwuꞌkei toaꞌ to mahi, ipokoꞌoriꞌkei toaꞌ tokusta, ipopolaikei tokodake to mampekahi toaꞌ. Lekiꞌ-lekiꞌna pebarakati tiꞌo nopaꞌanikikei ntooꞌ Pueꞌ Ala. Mewaliꞌ, hangangaa ipepaꞌanikikei woꞌo ntooꞌ pebarakati to uwaꞌ i ingkei.

Mewaliꞌ, inioꞌkei motehuꞌ pe toaꞌ to moꞌewakei. Meliu tene perewahine Pueꞌ Ala pe ingkei ka tinti deno to woriꞌ.

“Inioꞌ itiꞌikei kohumeingKu hieꞌe hingkeꞌna mampohaꞌanu toaꞌ i duniaꞌ. Hawaꞌi! KohumeingKu hieꞌe mangkomi posisalaꞌ i lumbuna toaꞌ.