Popular Bible Verses from Galatia 5

Share

Angkana ane norandaki Inohaꞌ Mangkolehi, walianta waheꞌe: momepokarimaki, motanaꞌki, lebaꞌ lali, sabaraꞌki, moromiꞌ lalinte, moromiꞌ waliante; tungkuꞌki, mengkaꞌiwowoiꞌki, hei morii peleihana lalinta. Hawaꞌi uwaꞌ hawaꞌ to moꞌopi walia to hatoꞌo.

Waheꞌe tungkaihangka: hangangaa norandaki Inohaꞌ Mangkolehi hingkeꞌna hawaꞌki motuntuni peleihana lalinta hadoduonta.

Alaꞌ nopaꞌanimoki Inohaꞌ Mangkolehi kotuwuꞌ to wolaꞌ, hangangaa topetuntui peleihane Inohaꞌ Mangkolehi.

Ingkiꞌ to mewali toaꞌna Yesu Kerisitu, hamboaꞌmoki nokuasaꞌi peleihana lalinta to kodake alaꞌ torokoꞌmoꞌi peleihane lalinta i loti momehulepe moꞌawa hante Kerisitu.

Tongawamo ane toaꞌ mowali walia to hintotoꞌ hante peleihana lalira to kodake. Rapaꞌna: toaꞌ to haꞌanu koturua hante toaꞌ to handoꞌio hatambina ba maꞌanina, mowali walia to mekokomaꞌi, mampetuntui pekirira to mokomaꞌ, menomba pe to handoꞌio Pueꞌ Ala, mampopodumbuꞌ kuasaꞌ to ka lomoa, mampokoiꞌhi awara, mosisalaꞌ, mohiriꞌ, poko bukota, motuntuniluhi peleihara hadoduora, nopeꞌoꞌuwaꞌ tene wotana hadoduona, poko mampopoheꞌero toaꞌ, mowahiꞌ, lolonua, mosusaꞌ-susaꞌ nturusi, hei uwaꞌ tene woꞌo to ntaniꞌne. Mewaliꞌ, lekiꞌ-lekiꞌna tiꞌo, kupaꞌingaꞌikei woꞌo hibali to kutiꞌikikei hampiha: hihimo to mowali hatoꞌo, hawaꞌhi hingkiꞌ mewali toaꞌna Pueꞌ Ala i lali kodatuaNa.

Tungkaihana Pueꞌ Ala moꞌuwiꞌmokei, halali-halali, hingkeꞌna himpolohoꞌkei. Angkana kohimpolohoꞌmi tiꞌo inioꞌ iwalikei koholangkoami mowali hapolu motuntuni peleihami. Angkanareꞌi hangangaa momepokarimakei hei momesulungikei haduo hei haduo.

Alaꞌ peleihana lalinta hadoduonta hawaꞌi hintotoꞌ hante peleihana Inohaꞌ Mangkolehi. Ane totuntuniꞌi to halangkaꞌ, hawaꞌki wadi motuntuni to ntaniꞌna. Ane totuntuniꞌi peleihane lalinta hadoduonta, hawaꞌi towali hapo to moromiꞌ motuntuni peleihana Inohaꞌ Mangkolehi; hei ane totuntuniꞌi peleihane Inohaꞌ Mangkolehi, hawaꞌi hingkiꞌ towali peleihane lalinta.

Alaꞌ uwaꞌ hawaꞌ to teꞌukiꞌ i lali Aturana hi Musa to mantiꞌi, “Ipokarimakei hangko awami hibalikei mampokarima wotami hadoduomi.” Ane mampetuntuikei hawaꞌ to halangkaꞌ tiꞌo, hibalimokei woꞌo motuntuni lekiꞌ-lekiꞌna aturana hi Musa.

Inioꞌki mampokokodeꞌ, inioꞌki momepoꞌilali ba meꞌewa pe hangko awanta.

Kerisitu mampohentemoki ka Aturana hi Musa, hingkeꞌna tepohenteki mpololeke. Iomo hinaꞌ hangangaa ipotintokei lalimi, hingkeꞌna inioꞌkei nopohawiꞌ huliꞌ.