Popular Bible Verses from Galatia 3

Share

Buntoꞌmoki alaꞌ polungkaꞌinta Aturana hi Musa. Angkana kehapoꞌi hatoꞌo, Kerisitu mampohentemoki ka kobuntoꞌ tiꞌo. Teꞌukiꞌ i lali Suraꞌ Mangkolehi waheꞌe: “Ane uwaꞌ toaꞌ to nihoi i loti momehulepe hei nirokoꞌ, mononto toaꞌ tiꞌo buntoꞌmo.” Mewaliꞌ, komahina Kerisitu i loti momehulepe, Io malentumo kobuntoꞌanta.

Pueꞌ Ala hawaꞌi mampopoꞌoriꞌori toaꞌ: toYahudi ba to handoꞌio toYahudi, hawiꞌ ba to handoꞌio hawiꞌ, tomaꞌani ba towoweꞌe; i pampeꞌelena Pueꞌ Ala hibobalilukei lekiꞌ-lekiꞌmi alaꞌ pohintuwuꞌmi hante hi Yesu Kerisitu.

Alaꞌ petuntumi pe Kerisitu, Norekeꞌmokei muleꞌna hi Burahima, hei bateꞌna pahuakei hapo to nodandi Pueꞌ Ala pe hi Burahima.

Tungkaihana hi Yesu mahi nipaku i loti momehulepe, hingkeꞌna toaꞌ to handoꞌiohi toYahudi pahuahi woꞌo pebarakati to nodandi Pueꞌ Ala pe hi Burahima. Pebarakati tiꞌo tohua alaꞌ petuntuta pe hi Yesu Kerisitu. Mewaliꞌ, ane mepoꞌohiki pe hi Yesu Kerisitu, pahuaki Inohaꞌ Mangkolehi to nodandimo Pueꞌ Ala hampiha.

Tongawa mpololeke kohawaꞌna uwaꞌ howeꞌ haduo to nipomodame mahuliꞌ hante Pueꞌ Ala nokomi pampetuntuina Aturana hi Musa. Alaꞌ uwaꞌ woꞌo lolita i lali Suraꞌ Mangkolehi to teꞌukiꞌ waheꞌe: “Toaꞌ to nipomodame hante Pueꞌ Ala hingkiꞌ pahuahi kotehompoꞌa alaꞌ pepoꞌohira.”