Popular Bible Verses from Epesu 6

Share

Alaꞌ i poponiꞌ hieꞌe, hawaꞌki moꞌewa toaꞌ angkana moꞌewaki kuasaꞌna to hawaꞌi toꞌokiꞌ. Moꞌewaki tadulako-tadulako komokorindi to makuasaꞌ i duniaꞌ. Moꞌewaki hinangkana lomoa ba to kodake to mokuasaꞌi raoha.

Hei i lali poponiꞌmi moꞌewa Belisiꞌ, hangangaa mekokaekei nturusi merapiꞌ roho ka Pueꞌ Ala. I langkaꞌ-langkaꞌna, mekokaekei motuntuni perandana Inohaꞌ Mangkolehi. Inioꞌkei nohehaꞌ mekokae. Hangangaa ipekokaekikei nturusi lekiꞌ-lekiꞌne toaꞌna Pueꞌ Ala.

Hangangaa ipakeꞌkei lekiꞌ-lekiꞌne parewa mpoponiꞌ to nopatimomokikei Pueꞌ Ala, hingkeꞌna marohokei moꞌewa akalana Belisiꞌ.

Iomo horiana, hangangaa ipakeꞌkei lekiꞌ-lekiꞌna parewa mpoponiꞌ to ka Pueꞌ Ala, hingkeꞌna ane hupaꞌmoꞌi tempo komaporiꞌ to makaja mpololeke, hingkiꞌ marohokei nturusi i pepoꞌohimi wute i kotutuana komaporiꞌ to morumpakei, hei hawaꞌkei hingkiꞌ maꞌoruꞌ.

Hei hangangaa mepoꞌohikei nturusi pe Pueꞌ Ala. Pepoꞌohimi tiꞌo, ipolabakei nturusi. Nokomi pepoꞌohimi, wadikei moꞌewa lekiꞌ-lekiꞌna mata pana api to ka Belisiꞌ. Hangangaa ipohinarukei kosalamaꞌami ka Pueꞌ Ala. Kosalamaꞌa tiꞌo hibali songko besi, Hangangaa ipakeꞌkei Boone Pueꞌ Ala alaꞌ tiꞌo hibali piho to nopaꞌanikikei Inohaꞌ Mangkolehi.

Hangangaa timomokei, ipakeꞌmokei parewa mpoponiꞌ to ka Pueꞌ Ala. Hangangaa ipokarohokei petuntumi i poturuꞌ to tuꞌu noniuꞌ Pueꞌ, hibali salupiꞌ i henaꞌmi. Hangangaa mononto lalimi hante waliami, potukaꞌ baduꞌ besi mampoꞌodaꞌ wotami ka poniꞌmi. Hangangaa timomomokei nturusi mampowute Kareba Moromiꞌ, Alaꞌ tiꞌo to mampohaꞌanu toaꞌ hante Pueꞌ Ala, hibali sapatuꞌ to ipakeꞌkei matengkaꞌ.

Koꞌukoana halali-halali, hangangaa marohokei i lali roho kuasaꞌna Pueꞌ, alaꞌ mohaꞌanumokei hante Io.

Hawaꞌ to uluꞌ-uluꞌna i lali Suraꞌ Mangkolehi to uwaꞌ dandina, iomo: “Hangangaa mengkoruꞌkei i inoꞌ umoꞌmi, hingkeꞌna kurauꞌ sungaꞌmi hei moromiꞌ tuwuꞌmi i duniaꞌ hieꞌe.”

Pokoꞌonaꞌ, nokomi pohintuwuꞌmi hante Pueꞌ, hangangaa ipetuntuikei hawaꞌne tomotodimi, alaꞌ tiꞌo to masipatoꞌ iwalikei.