Angkana hi Peturuꞌ mantiꞌi, “Anania, mahamporeꞌi lalima hinaꞌ nokuasaꞌi Belisiꞌ? Mahamporeꞌi hinaꞌ mampowowutiko pe Inohaꞌ Mangkolehi, hei mowowuniko hadolaꞌ ka hilina woiꞌ tiꞌo? Kehapoꞌi woiꞌ tiꞌo hawaꞌi nipobaluꞌ, na ingkolu woꞌo tumpune, hei ane nipobaluꞌi hawaꞌreꞌi ingkolu woꞌo tumpune hilina? Mahamporeꞌi hinaꞌ moliwoko mowali walia tiꞌo i lali pekirimu? Ingko hawaꞌko mampowowuti pe manusiaꞌ angkana mampowowutiko pe Pueꞌ Ala.”
Ikonohorinalu hi Anania lolita tiꞌo, modungka romo hei pudiꞌ inohaꞌne. Lekiꞌra toaꞌ to pangkiꞌ hante to pahori motehuꞌhi alaꞌ hapo to mewali tiꞌo.