Popular Bible Verses from Suro 20

Share

I langkaꞌ-langkaꞌna tiꞌo, mewaliꞌa pandiri' i ingkei, hingkeꞌna ibahaꞌkei lala majama mosulungi awami to masusa. Ikolowoikei nturusi lolitane Pueꞌ Yesu to mantiꞌi, ‘Motanaꞌ tene toaꞌ to mepaꞌani hintina toaꞌ to mantorimo.’ ”

Kehapomo hatoꞌo, hawaꞌi mpuꞌu kupodangkeleꞌi tuwuꞌka, hingkeꞌna kupoꞌukoꞌi jama to nopoꞌohikiꞌa Pueꞌ Yesu. Pajamangku hieꞌe, mampowute kareba moromiꞌ to mampotongawa kopopuhiꞌna lalina Pueꞌ Ala i ingkiꞌ.

Moromiꞌ-romiꞌkei hingkeꞌna hawaꞌkei madosa, hei irewahikei moromiꞌ jumaꞌa to nopepoꞌohiki Inohaꞌ Mangkolehi, hibali haduo topolambaꞌ molambaꞌ gimbana. Hangangaa irewahikei jumaꞌa tiꞌo alaꞌ mewalimohi toaꞌna Pueꞌ Ala moliu i komahina AnaꞌNa.

Hinewowoꞌena, halali-halali, mekokaeꞌa pe Pueꞌ Ala hingkeꞌna Iolu to morewahikei. Kupaꞌanikei lolita hingkeꞌna mampetuntuikei nturusi pohawaꞌna Pueꞌ to mampokonontokiki kopopuhiꞌna laline Pueꞌ Ala i ingkiꞌ. Alaꞌ Pueꞌ Alalu to makuasaꞌ mampokaroho lalinta hei mampaꞌaniki pebarakati to Nopatimomomo umbiꞌ pe toaꞌ to Nopohohidamo mewali anaꞌNa to mangkolehi.