Popular Bible Verses from 2 Korintus 1

Share

Topokodeꞌmo Pueꞌ Ala, Umoꞌna Pueꞌta Yesu Kerisitu, alaꞌ Iomo Umoꞌta to kodeꞌ rimaNa, hei Io woꞌo to mampokaroho lalingki i langkaꞌ-langkaꞌna komaporiꞌ to morumpa kotuwuꞌki. Nowali hatoꞌo hingkeꞌna roho to kitorimo ka Io kipakeꞌ woꞌo mampokaroho lalira toaꞌ ntaniꞌna to pahua woꞌo komaporiꞌ.

Woriꞌ komaporiꞌ to nohua Kerisitu, hei komaporiꞌ tiꞌo kihua woꞌo, angkana tetambai woꞌo koworiꞌne ka roho lali to kihua ka Kerisitu.

Pehoringki hibalika to nibutusi hingkiꞌ nihuku mahi. Angkana komaporiꞌ tiꞌo hangangaa mewali hingkeꞌna hawaꞌka mohinaru i rohongki hadoduongki, angkana wae hingkeꞌna mohinaruka pe Pueꞌ Ala to makuasaꞌ mampotuwuꞌ huliꞌ toaꞌ to mahi.

Pueꞌ Ala hadoduona to mampokaroho lalingki hante lalimi woꞌo, hingkeꞌna ingkiꞌ lekiꞌ-lekiꞌta mohintuwuꞌki hante Kerisitu. Pueꞌ Ala to moꞌuwiꞌki mewali toaꞌNa, hei mampaꞌaniki Inohaꞌ Mangkolehi to mampokononto koꞌingkiꞌna toaꞌNe. Inohaꞌ Mangkolehi tiꞌo iomo tandaꞌna Pueꞌ Ala i lalinta, alaꞌ Io mampokaroho dandina Pueꞌ Ala i ingkiꞌ, hingkeꞌna mononto i ingkiꞌ, hingkiꞌ Nopaꞌaniki lekiꞌna to Nodandikiki.

Ane norumpaka komaporiꞌ, komaporiꞌ tiꞌo kiriilu hingkeꞌna kipokarohoꞌi lalimi hei hingkeꞌna salamaꞌkei. Hei ingkei, norumpakei woꞌo komaporiꞌ hibali to kihua. Mewaliꞌ, ane Pueꞌ Ala mampokaroho lalingki i lali komaporiꞌ, roho tiꞌo kipakeꞌ woꞌo mampokaroho lalimi, hingkeꞌna sabaraꞌkei hei mantahakei.