Popular Bible Verses from 1 Timotius 6

Share

Magegako nturusi metuntu hei ipokaroho pepoꞌohima pe Pueꞌ Ala, to mampaꞌaniko kotuwuꞌ wute nantolou-louna hei kotuwuꞌ tiꞌo itiko maroho. Alaꞌ iomo tungkaihane Pueꞌ Ala mowowoiko mewali toaꞌNa, i tempomu mantiꞌi pepoꞌohimu pe Pueꞌ Ala i hinarona toaꞌ to woriꞌ.

Alaꞌ ane mampaliꞌluki doiꞌ, iomo to mampoꞌuwaꞌ woriꞌ langkaꞌna walia to kodake. Uwaꞌ woꞌo toaꞌ to mampaliꞌ nturusi doiꞌ, horiana mampolihihi pepoꞌohira. Koꞌukoana mokodokoihi wotara hadoduora hante norumpahi woriꞌ komaporiꞌ.

Kotuꞌuana, mengkoruꞌ pe Pueꞌ Ala mangkomi rasiꞌ to kodeꞌ, asalana hapo to uwaꞌ topoganaꞌmo.

Alaꞌ i kohupaꞌta i duniaꞌ hieꞌe, hawaꞌi uwaꞌ to tokomi humei. Watoꞌo woꞌo i pahuliꞌanta, hawaꞌi uwaꞌ to hingkiꞌ wadi tokomi mahuliꞌ.

Ane toaꞌ tosugiꞌ i lali koduniaꞌa hieꞌe, ipoturuꞌkihi hingkeꞌna inioꞌhi mampokokodeꞌ hei inioꞌhi mamporoho luma ngkoduniaꞌ, alaꞌ luma duniaꞌ wadi moholi. Agina mepoꞌohihi pe Pueꞌ Ala to mampaꞌaniki lekiꞌ-lekiꞌna pebarakati to hawaꞌi uwaꞌ hukaꞌna, hingkeꞌna topopodumbuꞌi hante komotanaꞌ lali.

Angkana toaꞌ to dokoꞌhi mewali sugiꞌ, nokeloihi peleihana lalira to hawaꞌi modumbuꞌ hei mangkomihi komaporiꞌ. Koꞌukoana monawuꞌhi pe lali dosa, hei pahuahi kohorewuꞌa.

Ipoturuꞌhi hingkeꞌna moromiꞌ nturusi waliare, mosulingihi awara, motanaꞌ mepaꞌani ba hapo-hapo pe awara, hei moromiꞌ lalire. Alaꞌ ane watoꞌoꞌi waliare, hibalihi mamporia lumara to moromiꞌ i lali suruga, hei pahuahi kotuwuꞌ to wolaꞌ mpololeke ka Pueꞌ Ala.