Popular Bible Verses from 1 Timotius 1

Share

Tuꞌu mpuꞌu lolita to mantiꞌi, “Hi Yesu Kerisitu humei pe duniaꞌ hingkeꞌna mamposalamaꞌ to madosa ka pehuku dosara.” Tuꞌu mpuꞌu lolita tiꞌo hei masipatoꞌ topoꞌohi. Hei ka lekiꞌ-lekiꞌna toaꞌ to madosa, akumola to madosa mpololeke.

Kehapoꞌi watoꞌo, tongawa rimane Pueꞌ Ala i aku, hingkeꞌna i lali kotuwuꞌku hieꞌe to madosa mpololeke, tongawamo mpuꞌu kosabaraꞌne hi Yesu Kerisitu, horiana mewaliꞌa pandiri' pe lekiꞌ-lekiꞌna toaꞌ hingkeꞌna mepoꞌohihi woꞌo pe hi Yesu hante pahuahi kotuwuꞌ to wolaꞌ to hawaꞌi mokoꞌukoa.

Tungkaihana poturuꞌku hieꞌe, hingkeꞌna lekiꞌ-lekiꞌta hangangaa momepokarimaki ka kopopuhiꞌna lalinta, pekiri to moromiꞌ hante pepoꞌohi to tuꞌu-tuꞌu pe Pueꞌ Ala.

Masipatoꞌ mpuꞌu toponindi hei topokodeꞌ Pueꞌ Ala, Datunta to moparenta wute nantolou-louna, hei to hawaꞌi mokoꞌukoa, to hawaꞌi niꞌokiꞌ, hei to hawaꞌi uwaꞌ kohibobaliaNe. Topokodeꞌ konaꞌNe wute nantolou-louna. Amin.

Hangangaa topoꞌilali tungkaihane Aturana hi Musa hingkeꞌna nomoromiꞌ kotopopatengkaꞌne. Aturana hi Musa hawaꞌi mokamoroki toaꞌ to mononto waliara. Angkana tungkaihana pe toaꞌ to molungkaꞌi atura, toaꞌ to meꞌewa, toaꞌ to hawaꞌhi mengkoruꞌ pe Pueꞌ Ala, toaꞌ to madosa, toaꞌ to hawaꞌhi moꞌagama, toaꞌ to mampetuntuiluhi peleihana lalira i duniaꞌ hieꞌe, toaꞌ to morokoꞌ inoꞌra ba umoꞌra, hei to morokoꞌ toaꞌ ntaniꞌna, toaꞌ to mebualosi hante toaꞌ to mowali salaꞌ hibali to nowali tomaꞌani hante hangko tomaꞌanina ba towoweꞌe hante hangko towoweꞌena. To niꞌopikihi woꞌo, toaꞌ to motawaniꞌ awana hingkeꞌna nipohawiꞌi, toaꞌ to mowuti, toaꞌ to mosobiꞌi wuti, hei lekiꞌ-lekiꞌna toaꞌ to mowali hapo to hawaꞌi hintotoꞌ hante poturuꞌ to tuꞌu.