Popular Bible Verses from 1 Korintus 6

Share

Hawaꞌreꞌi ibahaꞌkei, halali-halali, wotami iomo peꞌohaꞌana Inohaꞌ Mangkolehi. Io uwaꞌ i lalimi. Pueꞌ Ala hadoduona mampaꞌanikei Inohaꞌ Mangkolehi. Io makuasaꞌ i wotami, handoꞌio ingkei to makuasaꞌ i wotami, alaꞌ wotami handoꞌio ingkei tumpune. Alaꞌ ingkei Nohompoꞌmokei Pueꞌ Ala, hei lapaꞌmo Nobaiari hante masuliꞌ mpololeke. Iomo horiana wotami hangangaa nipakeꞌ mowali to moromiꞌ hingkeꞌna Pueꞌ Ala nipokodeꞌ.

Hawaꞌkeireꞌi ibahaꞌ halali-halali, toaꞌ to kodake waliara, hawaꞌhi hingkiꞌ mewali toaꞌna Pueꞌ Ala i lali kodatuaNa. Inioꞌkei mampomonawuꞌ wotami hadoduomi. Toaꞌ to mekokomaꞌi waliara, to menomba pe lomoa, to mebualosi, to mowali salaꞌ hibali tomaꞌani to mampohantambi hangko tomaꞌanina, to manako, to hariko, to nolanu, to mampokodake hangko awana, to mobagiuꞌ toaꞌ. Toaꞌ to hatoꞌo, hawaꞌhi hingkiꞌ mewali toaꞌna Pueꞌ Ala i lali kodatuaNa.

Mewaliꞌ hangangaa ipomoꞌelakei wotami ka walia to mekokomaꞌi tiꞌo, alaꞌ walia tiꞌo mampomokomaꞌ wotana hadoduona. Angkana dosa to ntaniꞌna hawaꞌi mampomokomaꞌ wotana to mowalia, kehapoꞌi madosa.

Uwaꞌ i lumbumi to mantiꞌi, “Wadiki mowali hapolu motuntuni peleihanta hadoduonta.” Tuꞌu lolita tiꞌo, angkana kutiꞌikikei, hangangaa topekiri dulu: uwaꞌ to towali to modumbuꞌ; uwaꞌ woꞌo to hawaꞌi modumbuꞌ. Kehapoꞌa wadi mowali hapolu motuntuni peleihangku, angkana hawaꞌi kulei ane wotangku hieꞌe nokuasaꞌi hapolu.

Pueꞌ Ala mampotuwuꞌ huliꞌ Pueꞌ Yesu ka komahia. Hatoꞌo woꞌo nokomi kuasaꞌNa, wotanta hieꞌe hingkiꞌ Nopotuwuꞌ huliꞌ.