Popular Bible Verses from ROMA 10

Share

Jadi ane komi mompangaku ante sumbamu, “Yesus I'amo Pueku,” pade ane komi momparasaya riara nta'imu Alatala nompakatuwu bali I'a nggari kamatena, komi kana rapakasalama.

Sabana kita momparasaya riara nta'ita sampe majadi manoa riara mpanggita Alatala, pade kita mompangaku ante sumbata sampe rapakasalama.

Jadi tau namala momparasaya ane ira mangepe Kareba Belo, pade Kareba Belo etumo tesa ewa Kristus.

Riara Buku Nagasa naria nitulisi iwe'i: “Isema-sema to momparasaya I'a da'a rapakaeya.” Tesa-tesa e'i nosinggawela ka pura-pura tau sabana da'a ria posisalana ri olo ntau to Yahudi bo tau da'a to Yahudi. Aga samba'a lau Pue, pade I'a Pue ntau pura-pura. I'a nombawai rasi to neliu-liuna ka pura-pura tau to nekakai ka I'a. Sabana “Isema-sema to mekakai ka i Pue kana rapakasalama.”

Pade iwenu tau mompatolele Kareba Belo ane da'apa ria to nombasuro ira manggeni kareba etu? Ewa to nitulisi riara Buku Nagasa iwe'i: “Nabelo mpu'u karata ntau to nanggeni Kareba Belo.”

Tapi iwenumo tau mekakai ka i Pue ane ira da'apa nomparasaya I'a? Pade iwenu ira momparasaya i Pue ane ira da'apa nangepe karebana? Pade iwenu ira mangepe karebana ane da'apa ria tau nompatolele kareba etu ka ira?

Tapi ante karata Yesus Kristus, Atura-atura agama mana nalaku pade we'i-we'i isema-sema momparasaya i Pue Yesus kana rareke manoa riara mpanggita Alatala.