Popular Bible Verses from 1 KORINTUS 11

Share

Pade iwetu wo'u naopu ira nanggoni nialana saongu sanggiri pade niulina, “Panginu e'i tandaina Pojanji Alatala to nabouna to rapakaasa ante leiku. Butu nggani komi manginu panginu ada e'i kawiamo etu ala mombatora Aku.” Sabana butu nggani komi manggoni roti bo manginu panginu ada e'i komi mompatolele kamate i Pue sampe I'a marata bali ri dunia e'i.

Pepatuduki ewa posusa mantora kamate i Pue nitarimaku nggari ja'i Pue mboto, pade etumo to nipatudukiku ka komi bopia. Etumo ri tempo nggawengina i Pue Yesus nipobalu ka balina I'a nangala roti, pade niulina tarima kasi ka Alatala. Naopu etu nibingga-binggana roti etu ante nanguli, “Roti e'i koro bataku to niwai manjaliku komi. Kawiamo ada e'i ala mombatora Aku.”

Jadi butu mba'a tau kana momparesa korona mboto ntani ruru. Pade naopu etu i'a mamala manggoni roti bo manginu panginu ri posusa mantora kamate i Pue etu. Sabana tau to manggoni roti bo manginu panginu etu ante da'a nantora koro i Pue natantumo kana rasuku Alatala.

Sabana etu isema-sema to nanggoni roti atau nanginu panginu ante pokainggu to da'a masipato ri posusa mantora kamate i Pue, ira nompowia silaka ri ja'i Pue to nombawai koro bo leina manjaliku kita.

Jadi pasialamo pokaingguku nasimbayu ewa aku nompasiala pokainggu Kristus.