Popular Bible Verses from Roma 7

Share

Sane ji dakai mit iwa ji tepsu pakwerut wa benbot Yefun Allah bi sukduno-i, wo ji bi sukjimnut ibit mo ji mit ne, ben ji sane sor ji tepsu pakwerut wa ben sukibit bu. Sane, ji yo ndo o nde it. Je u anato bere nai ji wé kadit sukjimnut ibit gato jom ji dakai ete gwat ji mu kadit os sukkwop ré ne? Ji ki ndo mo Yefun Allah, we Yefun fro os mó re. An sa, syo men bi Yekwesu Yesus Kristus ma wa fro os wa men re. An fro os wa nai ji kadit sukjimnut ibit gato jom ji ne, sane ji ki ndo mo Yefun Allah sor.

Ji jam do, sukjimnut gato tik ji mit wa ji ben suk tepsu yetu mwa ne sino iwa ben ne, bi kwa dik yo gato ndo yo mo nde, suk mwa ne ibit sino. Ji da iwa ben suk gato ndo, sarewo ji yo nggiwa ben nde.

Ji yo ben sukndo gato ji iwa ji ben ne nde, wo ji ben sukibit gato ji bariwa ji ben ne sor.

Ji ben sukibit gato ji bariwa ji ben ne yo, bi sukjimnut do, ji dakai bi sukjimnut wa ben sukibit ne nde re, wo sukjimnut gato tik ji mit wa ji ben sukibit gato jom ji anato ben ji ben sukibit ne.

Sane, ji nai sukjimnut sare do, sukjimnut gato bor mo ji anare: ji da iwa ben sukndo sarewo sukjimnut ibit bere jom ji anato ji ben ji bi suk-i ne ibit o re. Mo ji mit si ji onyar ré, ji da mit iwa ji benbot Yefun Allah bi sukduno-i

Sane, ji ben sukibit gato ji bariwa ji ben ne yo, bi sukjimnut do, ji nut do, sangge, ye Yahudi bi sukduno-i ne da ndo, sarewo ji dakai yo nggiwa benbot nde.