Popular Bible Verses from Roma 4

Share

Abraham bi sukjimnut we subot suk gato Yefun tom ne nde, wo an onyar kem pe mo Yefun ne nggi wai kadit nyim ne o re, ete an bes Yefun Allah gum kok sye wai sor. An jam do, sangge, suk gato Yefun Allah tom ne, bere Yefun Allah anato nggiwa benbot mone tó, Abraham jamwa pe re.

tepsu ye krom mo Yefun Allah bi sukdu, Yefun Allah ki nai Abraham do, ”Ji anato bes nan tepsu ye gato duk os su ketke wa yewis mwa gato kem mo bur ré or sino.” Yefun Allah tom suk su Abraham anato ben sato Abraham tepsu men bi ai re. Abraham onyar kem mo suk gato Yefun Allah ki ne. Abraham jam do Yefun Allah anato nggiwa sun yekwop mbau satu, Yefun Allah nggiwa ut suk gato yo mo nde, Yefun Allah ki sukdu ne sor, bere suk ne bor re.

Yesus Kristus ré, Yefun Allah bi ma wa ye gu kwop win men mo sukibit gato men ben ne. Orete Yefun Allah sun An kadit sukkwop subere kak os wa Yefun Allah nai men gum sok mo An bi rus-i subere men si Yefun Allah kem ndo su yu it.

Kapre ye nut do, suk gato Yefun Allah ki ne bere yo bor nde tó, Abraham kwabom kam mo Yefun, Abraham onyar kem pe mo Yefun sor, sane anato Abraham tepsu yeketke mo yewis mwa, tepsu ye krom Yefun Allah bi sukdu do, ”Nan bi wis-i bere mwa wai o re.”

Sane suk gato Yefun Allah tom ne kem su ye gato onyar kem mo An sor. Abraham bi wis-i sor re, bere ku suk ne, we án sino onyar kem mo Yefun Allah it. Abraham bi wis-i yo kamba wa ben suk yo wa ku suk gato Yefun Allah tom ne nde, wo Yefun Allah dakai bi sukjimnut sye kas subot án anato Yefun Allah syo suk gato Yefun tom su ne dakai yi nai án sor. Sane anato Abraham bi wis-i mwa ne sino jam do, sangge, bere án ku suk gato Yefun Allah tom su án ne it. Suk gato Yefun Allah tom ne, Yefun tom su Abraham bi pa-i gato ye Yahudi bi sukduno-i kem su ne sor nde, wo Yefun Allah tom su ye gato sok mo Abraham bi wis-i mo gato án onyar kem mo Yefun Allah sagato Abraham onyar kem mo Yefun ne. Abraham gare tepsu ye gato kadum os wa men yé mwa ne sino gato onyar kem mo Yefun Allah ne

”Ye gato Yefun Allah yo nutbot bi sukibit ne o nde, bere ye ne mit at wa. Ye gato Yefun Allah ben sato rom bi sukdaret wé kadit an, tepsu ye rom sukkwik mo bur ne wé, ete ye nutbot o nde, sane bere ye ne mit at wa. Ye gato Yefun Allah yo ben sukye nai mo sukibit gato an ben ne o nde, bere ye ne mit at wa.”

Tepsu ye krom mo Yefun Allah bi sukdu do, ”Abraham onyar kem mo sukdu gato Yefun Allah ki nai an, sane anato Yefun Allah nut mo Abraham do, an sa, tep wa sok mo Yefun Allah bi rus-i it.”