Popular Bible Verses from Roma 13

Share

Men jammo sukjimnut gato tik men mit wa ben sukibit tepsu yetu iwa ben ne o nde, wo men nai sukjimnut wa men bi men nggwa mo men bi Yekwesu Yesus Kristus subere men ben suk tepsu An mit sor.

Sugum gato men tom wa men bi nai ye yi yo, men bi sor. Men bi bon mó yo, men bi kekro or wé et. Suk dik sor gato yo or wé kadit men nde anato men bi sukjimnut sye kas subot yu petok sor. Ye gato bi sukjimnut sye kas subot ye yi neya anato ben suk tepsu Musa bi sukduno-i mwa ne sino

Yefun Allah sor anato bes yekwesu mo bur ré wa jom men yetu. Yekwesu ne ku suktinggi kadit Yefun Allah wa jom bi yetu mwa mo bur ré, sane men jammo men bi yekwesu gato jom men ne et.

Noru miten wai it, karowa nombrak it are. Sa ndo sa, ndendu bi suk-i men ben o nde, men misyar sor, ete men nai Yefun Allah bi sukmise gato rer wa men syun ndendu bi suk-i wé kadit men et.

Ye gato bi sukjimnut sye kas subot ye yi, bere an yo ben sukibit nai ye ne nde. Sane ye gato bi sukjimnut sye kas subot ye yi, tepsu an benbot ye Yahudi bi sukduno-i mwa ne sino it anane.

Sane sugum pajak gato yekwesu mo bur ré syogat men bi ne, men bi sor. Men bi yekwesu syogat men bi sugum wa sukyo-sukyo it yo, men bi sor. Men un men bi yekwesu sino ete bes an gum kok mo sukndo gato an ben tepsu Yefun Allah bi pakwerut ne.