Popular Bible Verses from Suk Gato Yerasul Ben Ne 17

Share

Yefun Allah fro suk mwa sane, subere men yetu meret An. Yefun Allah iwa men meret An, ete men ku An. Yefun Allah da karowa men.

Ketke An ut yetu ge dik yo. Kadit ne, An anato ut yewis mwa ne, ete An syogat kem mo bur ré iwedewe. Su ketke An fro bur det wa yewis yo-yewis yo kem mó. An fro yewis mwa ne kem mo án bi bur det-i kom mo kam gato Yefun Allah ki ne, orete yé mu or wé kadit bur ne tepsu bi aina gato Yefun fro ne dom. Suk mwa ne Yefun Allah fro or re.

Yefun Allah gato ut bur ré si suk mwa mone, An sa, An jowa bur ré si gu nim ne sino. Yefun Allah ne yo kem mo nu gato men yetu nggo ne nde.

Yefun Allah syogat men yetu kwet, we An fro kam gato bere An ndobot men yetu sino mo suk gato men ben ne. Yefun Allah bes yetu ge dik yo wa ndobot men yé mwa ne sino. Ye ne bere ndobot nje sisu ri-roi sor. Men jam do, sangge, bere Yefun Allah bes Ye ne, we Yefun Allah sun Ye gato An bes ne kadit sukkwop it.”

Men anato An bi pa, saneyo men nut mo An do, An ka tepsu suk gato yetu ben su emas ne, bere siri re. Sane dom men nut mo An do, An ka tepsu suk gato yetu ben su perak e jok e ne, bere siri re. Suk sane, yetu anato fro tepsu yetu bi suktinggi-i ne.