Popular Bible Verses from ROMA 9

Share

Oditolio, putuusani lo Allahu Taa̒ala boito diila wunewunela to iloheela lohilao lomanusia meaalo to tolopani lomanusia, bo to opopiohe hilaa lo Allahu Taa̒ala wambao̒ totaa tilulao-Tio boito.

Sababu Allahu Taa̒ala lotahuda odelei Musa, “Wau̒ mamopo bilohei odehu hilao totaa u otohilaa-U̒ pobilohela lo odehu hilaa-U̒, wau Wau̒ mamopo bilohei odehu hilao totaa u otohilaa-U̒ pobilohela odehu hilao.”

Bo, Wutato! Wutato bo manusia wambao̒. Wau Wutato diila mowali buheli motuwahe to Allahu Taa̒ala! Tingga mowali poti lo bunga mohintu to talohutu mao̒ olio, “Yilongola yio̒ malohutu mai olau̒ odie?”

Oditolio, Allahu Taa̒ala modehu hilao ode tahingota-ngotaawa, wonu Allahu Taa̒ala mokahandaki odito. Wau Allahu Taa̒ala olo moo̒sababu ode tahingota-ngotaawa mowali baa̒ngiyolo, wonu Allahu Taa̒ala mokahandaki odito.

Wolo taa u mohutu poti lo bunga boito ohaku mohutu mao̒ huta modudangia boito modudua̒ totoonulalo otohilaalio? Monto ngotopingo huta modudangia ngotopingo, tau boito ohaku mohutu mao̒ dulo dalalo poti lo bunga; tuwau umopiohe wau uwewolio udiila boti mopiohe.