Popular Bible Verses from ROMA 6

Share

Sababu opopate yito wuupa lodusa; bo tutumulo tutu wau ohiheo-hiheolo mao̒ pee̒-pee̒enta woli Isa Almasi Eeyanto yito wowohi uiludu mai lo Allahu Taa̒ala wolo palacuma.

Dusa diila mowali motolo kawasa olimongoli, sababu timongoli diilalo tumutumulo to walungo butoo̒ agama lo Yahudi bo to walungo odehu hilaa lo Allahu Taa̒ala.

Wolo polihu boito, ito yilobungio woli Almasi, wau lodudua̒ yilate pee̒-pee̒enta wo-Lio, alihu debo odelo ti Almasi pilopo tumulai lonto opopate tokawasa li Paapa talailaio̒, odito olo ito mowali tumumulo todelomo tutumulo u bohu.

Diila mao̒ wudua olo pongawaa̒ lo batangamu ode kawasa lodusa u pohunaalo ode totoonulalo makusudu u moleeto. Bo wuduwalo mola batanga limongoli ode Allahu Taa̒ala odelo tamaa yilimbato lonto opopate ode tutumulo. Wuduwalo mola batanga limongoli lealeaatulo mao̒ to Allahu Taa̒ala alihu pohunaalo u mohutu kahandaki lo Allahu Taa̒ala.

Otaawanto deu̒ watadento udeedelo odelo manusia mapilate yila-yilateelo mao̒ pee̒-pee̒enta woli Almasi toa̒yu salipu alihu kawasa lo watadento u odusa boito antuluwolo; lou̒ odito ito diilalo pilowato lodusa.

Timongoli olo musi monganggapu batanga limongoli mate duo̒lo dusa, bo tumumulo todelomo wumbuta u motoheeto wolo Allahu Taa̒ala motimbulude li Isa Almasi.

Wonu odito, wolo u mowali loi̒yanto? Mamusi ito wambao̒ mohutu dusa alihu Allahu Taa̒ala helebe momonu mai olanto? Tantu diila! Dusa diilalo okawasa to olanto, oditolio, diila pongalo aakali ito tumumulo mololaalaaita mohutu dusa?

Wolo otaawa limongoli deu̒ wonu timongoli mohudu batanga ode tahingota-ngotaawa u mohutu otohilaalio yi timongoli yito wato lotaa dilungohe limongoli boito – diila otaawa uito wato lodusa u modelo olimongoli ode opopate, meaalo wato tamo modungohe to Allahu Taa̒ala, wau lou̒ odito muli mopiiohe wolo Allahu Taa̒ala.

Bo sukuru ode Allahu Taa̒ala! Sababu muloololio mai timongoli lowali wato lodusa, bo botia timongoli wolo lealeaatu lohilao helo dungohe pongaajali u otutu u mailohilio olemu. Timongoli mailopato lonto dusa, wau botia malowali wato ode kahandaki lo Allahu Taa̒ala.