Popular Bible Verses from OBAJA 1

Share

“Bo to Hui̒dee Sion, mawoluo mai tamoa̒ahu, wau hui̒dee boito mowali tambati u tolomodu ode Olau̒. Yi wali mai lei Yako mamuli motolo moliki huta pusaka limongolio.

“Otutu, malembidei dulahio, Wau̒, EEYA, momutoo̒ babaa-ngusawalo. Wolo u pilohutu lo Edom matontulia mai olio. Tio mamoo̒laasa olo wolo umaa pilohutulio.

Yio̒ ilowimbuloa lo hilaamu u sombongi. Tiilo lokotamu yito hui̒dee botu u motoheeto; tambati poti-biluloa̒mu to bolitutuo̒ hui̒dee u molanggato. Sababu uito timongoli helo mikiilangi mola, ‘Tatoonu tamaambo mopodehu ola-U̒?’

Eleponu pohutuwomu belemu ngoilanggato beelea lobulungi rajawali, wau ngoilanggato lo bibii-natangiyalo to hulungo, yio̒ tantu mapo dehuwo-U̒ mola.