Popular Bible Verses from YIA̒APO 14

Share

Diila mao̒ poluwali to EEYA, wau diila mao̒ oohe totau-tauwalo tahi biluloa̒wa tolipu boito, sababu wolo gambangi ito mamopo olaaheo̒ olimongolio. Tamoduo̒la olimongolio malo lolaa mao̒ olimongolio, wau EEYA pee̒-pee̒enta wolanto. Oditolio, diila mao̒ oohe.”

‘Wau̒, EEYA, diila hua̒a muluka. Wau̒ mopo bilohei ponu-U̒ wau otatapu wau olootolo hilaa-U̒ wolo diila o enggadelio. Wau̒ mongambungu mai taa u odusa wau tamoluwali ola-U̒. Penu boli odito, totala lomongo dulaa̒ mapomalasi-U̒ ode mongo walao̒ wau mongo wombulio, tunggula wali u otolulio wau opatio mola.’

Wonu EEYA motuhatawa to olanto, yi Tio mamodelo olanto odito mola wau mongohi mao̒ huta ukaya wau molomiodu boito to olanto.

Bo diila odito wato-U̒ tei Kale. Tio tatapu wau molotolo hilao to ola-U̒. Sababu uito Wau̒ mamodelo olio ode lipu u matiluwotio. Botia taulo Amalek wau taulo Kanaa̒n bilu-biluloa̒ todatahu boito. Bo lipu boito mamowali miliki lo wali mai lei Kale, wato-U̒ boito. Loombu timongoli musi mohualingai wau monao̒ mola ode huta datahu wau luasi udelita ode ambahu Wulungo lo Akaba.”

Timongoli musi molametao̒ olimongolio odie: EEYA lotahuda mai, ‘Wau̒ motadia mai domi Wau̒ tatumu-tumulo deu̒ timongoli mapo hutuwo-U̒ mai debo odelo u mailoi̒ya limongoli totalu-U̒. Wau̒, EEYA, malo tahuda.

EEYA lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio?

Timongolio lobiiheo̒ olei Musa wolei Haruna wau loloi̒ya mao̒, “Lebe mopioheo̒ ito mate to Masiri meaala tohuta datahu wau luasi udelita botie! Huliilo mao̒ ito mate wambai̒o!

Tei Yosua walae̒e Nun wolei Kale walae̒e Yepune, duulota towolota lo taa u tiluugasia motulete lou̒ poo̒-poo̒oyo boito, malo ngaidinga pakeyangi limongolio tuotio ilopatea. Timongolio loloi̒ya ode ngoilanggubu ulipu boito, “Lipu u tilulete lamiaatia boito polu-polutuo̒ piohio.

Bo Wau̒ modanti mai domi batanga-U̒ wau domi Wau̒ tatumu-tumulo wau okawasa todunia botie, deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita. Diila! Timongolio diila tumuwoto ode lipu boito. Towolota limongolio tahemo luwali ola-U̒, diaaluo penu boli ngotaa mao̒ tamoo̒ dutaa̒ lipu boito.