Popular Bible Verses from MIKHA 4

Share

Timii̒du bangusa todunia molubo wau modungohe todewalio lohihilao. Bo ito mamodungohe to EEYA Allahu Taa̒alanto wau molubo o-Lio u ohiheo-hiheolo mao̒.

timongolio ngoa̒amila mamoloi̒ya, “Dulo ito mobotula mola ode huludu EEYA ode Bele lo Allahu Taa̒ala lo Isirai̒lu! EEYA mamo ngaajali mai olanto wolo u musi pohutuwonto. Ito mamo dudua̒ dala-Lio sababu pongaajali lo EEYA meidungga mai monto Yerusalemu; monto Sion EEYA lotahuda ode umati-Lio.”

To duduu-laheyalo u dungga-dungga mai huludu, tambati Bele lo EEYA, matihu-tihula motiludu wau oontonga mongilabotao̒ huhuu-ideyaalo wau huhuu-luduwaalo. Totoonulalo bangusa tutuuyuta dadaata daa̒ odito mola

EEYA mamolantu mai palakala towolota lo babaa-ngusawalo, towolota lilii-puwaalo u molotolo, u molaminga meaalo u meembidu. Timongolio mamodupa wamilo limongolio mowali popadeo̒ wau totoo-buo̒owalo limongolio mowali pito pomopoto. Babaa-ngusawalo diilalo moluluuhua, diila olo motidapa-dapato u mopaatea.