Popular Bible Verses from MATIUSI 4

Share

Ti Isa lolametao̒, “Todelomo Kitabi tulatulade: Manusia diila moo̒tumulo bo wolo roti wambao̒, bo olo monto motii̒du pilimani u pilotahuda mai lo Allahu Taa̒ala.”

Ti Isa lolametao̒, “Pohinggi mao̒ yio̒, wuu Tamoo-heingawa ode dusa! Todelomo Kitabi tulatulade: Tubowa mola Allahu Taa̒ala Eeyaamu, wau pomayaalo to Eeya wambao̒!”

Ti Isa lolametao̒, “Bo todelomo Kitabi tulatulade olo, ‘Diila mowali yio̒ mohimontala Allahu Taa̒ala Eeyaamu.’ ”

Lapatao̒ ti Isa dilelo lo Rohullah ode huta datahu u luasi daa̒ wau delita alihu mola yimontala lo Ibilisi. Wopato pulu hui ti Isa diila lolamela. Lapatao̒ Tio mapilolango.

Ti Isa lotahuda mao̒ olimongolio, “Dulo dudui̒ mai Wau̒. Wau̒ mamo ngaajali mai olimongoli momajala tau.” Tulusi timongolio malo lolaa mao̒ pajala limongolio wau loduduo̒ li Isa.

Tumulalo mai tou̒ boito ti Isa lolumula lopo habari, “Polilihulo monto duduu-sawaalo limongoli, sababu Allahu Taa̒ala mahua̒a momalenta odelo Olongia!”