Popular Bible Verses from YUNU 4

Share

Lapatao̒ tio lodua̒ mola, “Yaa EEYA, diila mailoi̒ya lowatotia tou̒ dipo lomonggata lonto bele lowatotia muloolo, deu̒ EEYA tantu mamohutu mai odie? Uitolo sabubuulio watotia hua̒a lolahi mola ode Spanyol! Otaawa lowatotia deu̒ EEYA Allahu Taa̒ala tamoomonuwa wau tao̒dehu hilao, sabali diila opulitio, molumboyoto hilao, wau laito dapadapato u molomela lanjana u mohukuumani.

Lapatao̒ EEYA lotahuda mai olio, “Pilomulo botie lobutu mai todelomo huilio tuwau wambao̒, wau pilomulo botie mololante to dulahee wumbutio mola; yio̒ sama-samaata diila lopobutu mai wau lolaalao̒ pilomulo botie. Eleponu odito yio̒ molaasa suukali lohilao sababu pilomulo botie lololante. Diila pongalo aakali Wau̒ diila tasuukali lohilao momikiilangi Niniwe, kota uleidaa̒ boito. Sababu ngopohia bibii-natangilio udiila oyia̒apa boito, mota teto olo lebe lou̒ ngohetuto dulo pulu lolihu lota tau̒kekeei̒ tadiipo moo̒ pohiihede wolo u mopiohe wolo u moleeto.”