Popular Bible Verses from YEHESKIEL 37

Share

Lapatao̒ EEYA lopoa̒hu olaatia lopo tunggulao̒ tahulii-Lio ode tutuu-lalowaalo u mohengu boito, “Wau̒ EEYA Taa Laba-labaalo molanggato mopohiipai napasi ode delomo batangamu alihu timongoli muli tumumulai.

Dutuwa-U̒ mai lintidu wau tapu to olemu wau polobaniyo-U̒ timongoli wolo alipo. Timongoli mawohiya-U̒ mai napasi tilinggula tumumulo. Yi otaawalo mao̒ limongoli deu̒ Wau̒ulo EEYA.”

EEYA lotahuda mai odelaatia, “Wuu manusia panaa, tingga mowali tutuu-lalowaalo botie muli potumuloolo?” Watia lolametao̒, “Yaa EEYA Taa Laba-labaalo molanggato, bo Eeyaalo tamotota.”

Watia loo̒laasa kawasa lo EEYA, wau Rohu-Lio lodelo olaatia lotuhutaa mola lumbaya u polupolu wolo tutuu-lalowaalo. Watia dilelo lo EEYA helo heheelio to lumbaya boito, wau iloontonga lowatia deu̒ to ngoilanggubu lumbaya boito hipupuu-lepeyaalo mao̒ tutuu-lalowaalo u mailaba daatalio wau moheengu daa̒.

Lapatao̒ watia Yeheskiel lobisala mao̒ ode tutuu-lawaalo boito lotuuu̒de wolo palenta lo EEYA. Wau tou̒ watia donggo hemobisala uito, ilodungohe lowatia suala hulo-hulopai̒o, sababu tutuu-lalowaalo boito tingga tuwau wolo u wewolio mahemo-huumbuta. Tou̒ watia donggo hemo poo̒tuotao̒ tutuu-lalowaalo boito mahe o lintidei wau otapu, lapatao̒ o alipo olo bo wawaai̒o boito diipo o himuu̒du.