Popular Bible Verses from PILOTIMUA̒TA 15

Share

Tahuda lo EEYA, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo EEYA tamo poo̒luli olimongoli.”

EEYA tamoodulua olau̒ tamolotolo; Tiolo talo poa̒ahu olau̒. Tio Allahu Taa̒alau̒, wau̒ ohilaa momuji mola o-Lio, Allahu Taa̒ala tahe pujaa linene moyaau̒, pou̒daa̒au̒ Tio.

Allahu Taa̒ala toonu tamowali mongilabotao̒ ole-Mu, yaa EEYA Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo EEYA?

Dilelo-Mu bangusa tamaa piloa̒ahu-Mu botie, sababu Yio̒ tatapu wau molotolo hilao todanti-Mu. Wolo olootolo leidaa̒ timongolio diluo̒lo-Mu, wau dilelo-Mu ode huta-Mu u mantali.

Lapatao̒ malei dungga mota timongolio ode tambati u ilunte Mara, bo taluhu mota teto boito mopaa̒to daa̒, tilinggula diila mowali yilumolo. Sababu uito tambati boito iluntelio Mara, boliilio mao̒ mopaa̒to. Yi tau-tauwalo boito helo hungoto odelei Musa wau lohintu mao̒, “Wolo u mailumonto?” Tei Musa malodua̒ wolo tio̒otutua ode EEYA, lapatao̒ EEYA malopo bilohei olio ayu ngoputu. Ayu boito pilomahula mola lei Musa ode delomo taluhu, lapatao̒ taluhu boito lowali ilolamita, tilinggula lowali yililumo. To tambati boito EEYA longohi mai wuwuu-uduwaalo ode limongolio, wau mota teto olo Tio helo himontala olimongolio.