Popular Bible Verses from TINGULI 30

Share

Botia timongoli mowali molulaotao̒ towolota tutumulo wau mate, towolota balakati lo EEYA wau laa̒anati-Lio. Hulungo wau dunia tiango mai lowatia mowali sakusi to putuusani limongoli. Tulaotilo tutumulo. Tolia̒ngilo EEYA Allahu Taa̒ala limongoli, podungohulo to Olio, wau tatapulo wau molotolo hilao to Olio. Yi timongoli wau wali mola limongoli matumumulo wau humayao̒ umulu tolipu u pilodanti lo EEYA odeli nenemoya limongoli, Abraham, Isihaka wau Yako.”

Todulahee botie wau̒ momalentai olimongoli u motolia̒nga to EEYA Allahu Taa̒ala limongoli wau modungohe to Olio boli moponao̒ mao̒ ngoa̒amila butoo̒ wau palentaa-Lio alihu timongoli maa̒amulu wau mowali bangusa uleidaa̒. EEYA Allahu Taa̒ala limongoli mamo balakati olimongoli tolipu udiilalo mohiheo potibiluloa̒ limongoli.

Todulahee botie timongoli mowali molulaotao̒ towolota u mopiohu wau u moleeto, towolota tutumulo wau mate.

Diila mao̒ pohintu odito, sababu palenta boito membibide daa̒ toli mongoli. Maa ilotaawa limongoli wau timongoli mowali molapali mao̒ wolo hahaapali, oditolio timongoli bolo moponao̒ wambai̒o.

Timongoli wau wali mola limongoli mawohiya-Lio hilaa u moduduo̒, tilinggula timongoli motolia̒nga to EEYA Allahu Taa̒ala limongoli wolo lealeaatu lohilao wau mowali tulusi motibiluloa̒ tolipu boito.

EEYA Allahu Taa̒ala limongoli mamohutu mai ngoa̒amila kelakela limongoli otilapulo; timongoli maa odadaata walao̒ wau dadaata bibiahu; hahaa-laboluwalo limongoli mamongohi mai tilapulo u dadaata daa̒. EEYA wolo sanangi lohilao mopowali olimongoli maa̒amulu, debo odelo Tio olo sanangi helopo maa̒amulu toli nenemoya limongoli.

Bo wonu timongoli diila taaa̒ti wau diila mohuto modungohe, wau bo mopoluli mao̒ batanga limongoli polapalolio u molubo ila-ila wewo, yi tantu timongoli pobinasaa-Lio, wau umulu limongoli diila tahumayaao̒ tolipu udiilalo mohiheo potibiluloa̒ limongoli. Eelai mao̒! Sua̒li boito mapiloo̒taa mai lowatia todulahee botie.

Palenta uilohi mai lowatia ode limongoli botie diila boti mototolo olimongoli wau diila boti molaminga olo.

Tambatilio diila tohulungo, tilinggula timongoli mohintu, ‘Tatoonu tamobotula mola odito u mohama mai ode olanto, alihu ito mowali modungohe wau moponao̒ mao̒?’

Tambatilio diila olo to ngotuali lodeheto, tilinggula timongoli mamohintu, ‘Tatoonu tao̒de ngotuali lodeheto mota mahama mai ode olanto, alihu ito mowali modungohe wau moponao̒ mao̒?’