Popular Bible Verses from DANIALI 9

Share

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

Dungohilo mai mongowatotia oo Allahu Taa̒ala, bilohiilo mongowatotia wau poo̒tuotalo mai polodutolo mongowatotia wau obobinasa lokota u ilunte wolo tanggulo Eeya. Mongowatotia modua̒ mola ode Eeya diila sababu jajaa-sawaalo mongowatotia, bo sababu Eeya polupolu lo odehu hilao. Oo EEYA, dungohilo mai mongowatotia, wau ambungua mai mongowatotia, poo̒tuota mai mongowatotia wau hua̒a pohutualo mai! Diila mao̒ pohiiheo, alihu otaawa lotaa ngoa̒amila deu̒ Eeyaalo Allahu Taa̒ala. Sababu Yerusalemu wau umati lo Eeya yito miliki lo Eeya utolo-tolomodu.”

Lapatao̒ malodua̒ mola watia lou̒ tio̒otutua ode Eeya Allahu Taa̒ala, wau lomohone odehu hilaa-Lio. Watia olo helopuasa wau lomake kaingi kado wau lotihuloa̒ toitaato peaahuo̒.

Eeya polupolu lopongo ngambungu wau odehu hilao, eleponu mongowatotia malo luwali to Eeya.

Ti Olongia boito mamohutu daantia motoheeto wolo taa dadaata ngotilonggadu pitu lotaunu mola. To tomutaao̒ lomasa boito, tio mamopo huheli powoluwoolio bake wau podewo. Lapatao̒ hitua-tuawua u moo̒tihela hapato u iluntee ololeeto umopo aantulu mapo tambatilio to Bele lo EEYA wau madebo woluo mola teto tunggula tio tau̒ pilo-tambatilio mota teto odungga lou̒ obobinasa u matilantu mai lo Allahu Taa̒ala olio.”