Popular Bible Verses from BOHULO SEMUEL 8

Share

wau EEYA lotahuda mai, “Tolimowalo totoonulalo hihiile bangusa boito to olemu. Sababu diila yio̒ tapilotouli limongolio, bo Wau̒. Timongolio diilalo mokahandaki ola-U̒ odelo olongia limongolio.

Anggadu Wau̒ lodelo olimongolio yilumualai lonto Masiri, timongolio helo palingo lonto ola-U̒ wau helolubo dedeewaalo, wau wolo umasaatia pilohutulio olemu, ui-uitolo u mapilohutu limongolio ola-U̒.

wau loloi̒ya mao̒ olio, “Dungohilo mai Paaa̒, ti Paaa̒ mapanggola wau mongo walai̒ Paaa̒ diaaluo talo dudua̒ pii̒li li Paaa̒. Oditolio opiohelio ti Paaa̒ momuduo̒ ngotaalio li olongia alihu amiaatia o olongia debo odelo babaa-ngusawalo wewo.” Bo tei Semuel diila sanangi wolo potuhata limongolio boito. Lapatao̒ tio malodua̒ mola ode EEYA

Bo bangusa boito diila mohuto momandungi loi̒ya lei Semuel, tumbao̒ timongolio loloi̒ya, “Huliilo mao̒! Penu boli wolo umowali wambai̒o amiaatia motohilaa olongia.