Popular Bible Verses from BOHULO SEMUEL 1

Share

Lapatao̒ ti Hana helo lapalao̒ danti, ualio mao̒, “EEYA Taa Laba-labaalo kawasa, ambunguolo poo̒tuotilo mai wato lo EEYA botie! Ambunguolo bilohilo mai dudutolo watotia. Ambunguolo eelai mai watotia wau diila mao̒ lipata watotia! Wonu EEYA mongohi mai olo watotia walao̒ talolai̒ ngota, watotia modanti mai mamohudu mao̒ olio ode EEYA ngotupa lo tutumulio. Watotia modanti mai olo deu̒ huwoi̒o diila pee̒enta mao̒ huntingalo.”

Tou̒ dulahee tuwau lapatio mao̒ timongolio lolamelo to Bele lo EEYA to Silo, ti Hana tilimihulao̒ lonto meja hepolamelalo. To saaa̒ti boito ti Iimamu Eli tawoluo olo to Bele lo EEYA, donggo hulohuloa̒ to kaderalio totili lohuhebu. Wolo susuukali daa̒ ti Hana malodua̒ ode EEYA sambela hiyohiyongo.

Bo ti Hana lolametao̒, “Watia diila huwohuwoa̒, Paaa̒, watia sama-samaata diila longilu angguru! Watia yilooli halapani, wau donggo hemodua̒ hemo hungguli ode EEYA totoonulalo dudutolo laatia.

Walao̒ botie tamaa pilohile lowatia lonto EEYA. Dua̒ lowatia madilungohei lo EEYA

Lapatao̒ ualei Eli mao̒, “Wonu odito pohualingolo wolo moa̒ahu. Pohileaala dua̒ Allahu Taa̒ala lo Isirai̒lu mopowoluo mai hihiilemu.”