Popular Bible Verses from 1 KORINTUS 9

Share

Timii̒du tau tadonggo todelomo teleeneni musi mongotongo batanga todelomo toonulaalo sua̒li. Tio mohutu uito sababu tio motohilaa pobuo̒helo bunga ujuuwala, deu̒ito-yito bunga u mahua̒a mololante. Bo ito botie mongotongo batanga todelomo totoonulalo sua̒li sababu ito motohilaa pobuo̒helo lobunga udiila tamololante. Uito sababuulio watia tumetea̒ wolo dulunga u tantutantu. Debo odelo todelomo baalia lou̒ mobuntunga, watia diila momate wolo majanunu.

Poluli mao̒ laatia wawao̒ laatia latiolio wolo moo̒ohuu̒ tunggula watia moo̒ kawasa mao̒. Watia mohutu odito, sababu watia diila mohuto tunggula motoduo mai deu̒ lapatao̒ watia moheinga taawewo modudua̒ todelomo baalia boito, watia lohihilao diila tolimoolio.

Tantu otaawa lo Wutato deu̒ todelomo u mobaalia ngoa̒amila tahidudua̒ modudua̒ tumetea̒ olo, bo wambao̒ ngota tamololimo palaseni. Masababu uito teteo̒olo odito lupalio tilinggula Wutato mololimo palasenilio.

Tohuungo lotau-tauwala tadiila boti yakini, watia olo lotihutu debo odelo ngotaalio tadiila boti yakini alihu watia mowali momantango olimongolio mowali muri li Almasi. Limbui̒o mao̒, watia mowali totoonulalo u hitua-tuawua ode ngoa̒amila tau alihu wolo dalalo u penu boli woloolo mola olo watia mowali mopoa̒ahu ngotayadi mongolio.