Popular Bible Verses from 1 KORINTUS 14

Share

Allahu Taa̒ala yito Allahu Taa̒ala tamo tohilaa lou̒ talatibu; Tio diila Allahu Taa̒ala tamo tohilaa u mopuyoo̒to. Debo odelo upohu-pohutu todelomo ngoa̒amila jamaa̒ lo Allahu Taa̒ala

Mamusi timongoli motolopani u motolia̒ngo tau-tauwalo wewo. Wau potolo panilo olo u mololimo popoo-nuwaalo uilohi mai lo Rohullah, lebe-lebe mao̒ tutu omambo u mopo tunggulo lalaa-njanawalo Allahu Taa̒ala tomanusia.

Bolii̒o mao̒ taa umopo tunggulo habari monto Allahu Taa̒ala, mopo tunggulao̒ ode manusia; u mopoo̒ lotolo olimongolio, u mongohi sumangati olimongolio wau u moliyango olimongolio.

Taa u mobisala todelomo bahasa u moo̒linggolabe bo mopoo̒ lotolo batangalio lohihilao wambao̒, hiambola taa umopo tunggulo habari monto Allahu Taa̒ala momantu jamaa̒ mowali molaio̒.

Tomimbihu olimongoli lohihilao, otaawa lowatia timongoli motohilaa daa̒ moo̒toduo mai popoo-nuwaalo monto Rohullah. Bo lebe polohuna daa̒, mamusi timongoli motolopani u momake omambowa boito momantu jamaa̒ mowali molaio̒.