Popular Bible Verses from Roma 9

Share

So o nyawa la kanaga o Gikimoi wahirika gena, upa ma sababu to ona manga dupa eko to ona manga manara, duma ka cawali to Una Awi dupa masirete so ona wagalusiri.

Sababu o Gikimoi wotemo o Musaka, “Nakoso todupa o nyawa tagalusiri, de igogou-gogou magena asa ka taaka.”

Magena ngona ngohi tonisango, ngona gena ka o nyawa moi, so upa nomasihie sidago ani sininga ma rabaka itemo o Gikimoi Awi demo gena ngona naholu. Nakoso o lelenga la kanaga o tonano o nyawa isiaka, de upa sidago o nyawa magenaka o lelenga magena itemo, “Dadoohaso ngona noiaka ngohi komanena.”

Komagena so ngone bilasu panako igogou, nakoso Una wodupa o nyawa moi wigalusiri maro o Yakub, de magena asa ka waaka. De nakoso wodupa o nyawa moika awi sininga idadi datogoi imatero maro ma Firaun gena, bilasu lo ka waaka.

Duma igogou o nyawa o lelenga iaaka gena kanaga o tona ikokasai o riho moika yaaka maro kia ona yodudupa, bai o lelenga ma binuka yaaka ma ngale o bi nyawa yahohoromati isiodo, bai lo o lelenga ma binukali yaaka ma ngale ka o tahu moi ma rabaka ona isiodo.