Popular Bible Verses from ÙRÙM 11

Share

Ero ba, yì mene tì mene obogat he, at Ala nenat elalhikomo, at eki ba welagarek. Logopik he, wùrep oba, at enat hagasigin. Halok, at enek hogorato motok logouok o, ìlùk ìgì atì, ebe asuak u hak, “Amin,” ìgì atì.

At Ala mene hùkorogo wo'nisìgìk, a'la motok kagalek welagìk, wene motok elu welagìk, ikerek atì nayùk e. At en wene elùgùn waterek mene, nit apùnì ninelu asusak nogo? At en yì mene tì mene hagaterek mene, nit en hùthasak nogo?

Wene atì hesik he, helal yì'nogo waganogo hesukwama werek: “Ninopase Etagepogot a'la ebeterek atì, sa hak elu. At he, sa hak en asuk wasusak nogo.

Atì hak he, Ala oabùt hano nen, wenaginapike mene o yogotak ya inebe ato hamùlùgat aike weregat o. It apùnì nen hano aike hagasukwa ba, Ala nen inoabùt palogo wenaginabilepma re, at oabùt hano nen wenaginapike ìlùk usak lek atì nen he, it en hano aike hagasukwa ba Ala nen inoabùt palogo wenaginapike hùk. We, at oabùt hano nen wenaginapike atì.

E saitun ero hano mene were'ma re, eki aike palogo, laksìlìk he, obùlù'mo e saitun ekama mene eki palogo hùnesi wesumo re, ero hutik logolìk amusu werek logou hak, hit atì re, hinebe eta'ma mene Ala nen it Yahuri mene amanogo hinom hùnogo hikasikomo hano welagep o. Atì'nogo logolìk, hit en he, it inebe eki palek mene bake atì hesik: “It weak. Nit hano o,” ìlùk hogorakìkì logogùp. E ero nen he, ekisok kereraterek atì. Nen, ekisok en he, ero kereraterek lek atì hake, it ero mene nen he, hit ekisok mene kerethinaparek o.