Popular Bible Verses from ÙRÙM 1

Share

Hano wene atì Ala omameat ma re, emakum apùnì Yahuri mene, nen hobuk he, apùnì Yunani mane, inetaùken Yesùt Karìsùt oba hìpìrethagarek mene hùgì obogat telinaperek atì nen he, an nayù'legat hano wene atì yogoisìlìk nìgìrek atì.

Ala nen mel isikomo helal waganogo hìkì logolìk he: “Hinetaùken an noba hìpìrìk logogun atì ba, an nen ùkùm hinoba mene korogo wokhìlìk, ninom hobuk hinapotkwe hùnogo hikegein mene hùgì hineluk motok logogun o,” ìlùk isikomo helal waganogo hesukwa hagat, Ala ninom hobuk ninapotkwe tì'nogo hùne'lasusak, ìlùk, hano wene atì ba sele'mathesike. Ala ninom hobuk ninapotkwe hùne'lasusak wene atì ebe re, hunigat aike hagasugun oba nen hùk. We, ninetaùken at oba hìpìrethìlìk ero ba nen pìkìt hùlì erepùl oba logogun atì ba, Ala ninom hobuk ninapotkwe hùne'larìk logogun o.

Ala ebe nineileken hogorek lek meneat he, at en kweang pogot elalhikomo ineileken hìkì logolìk, at ebe Walhobak ma re, omame esok motok welagarek, ìlùk, oabùt sekek hogo hùthasak meneat welagaikarek atì. Atì'nogo welagaikarek atì hesik, it en inoba nokologo wene kì u heat o.

Ala ebe atì'nogo inelu logoligat, it en he: “Ala ebe Walhobak at o,” ìlùk, ebe hogoratì'lek, hai watì'lek, welagaukwa. Atì'nogo logolìk he, hùnogo mene ebe mene lek meneat he, wenesùgì oba ebetì lagaukwa atì nen, inetaùken abit agaike atì.

At Ala Walhobak mene hogorato motok logousak, ìlùk ikenem, Eberogoat, ìlùk u hak, “Amin,” ìlùk ìkì logousak meneat he, it en Ala ane ebe wene atì heraksìlìk, apùnì inera nen lìbìlogo isukwa mene atì wanhukwa. Atì'nogo wanhukwasik, Ala nen yì mene tì mene elalhike mene atì ebe hogoratì'lek, we, yì mene tì mene elalek mene atì ineki nen ali'luk hogo warogo hìlìk, hogoratìk, at hesik hagatìk, egarek atì.

Apùnì nen he, Ala ebe inobaken nen hìgìk heraksìlìk, inoabùt koloat hagatì logolìk, ebe wene apùnì aike inelu asinogo ìlùk sebelì'lùgì atì nen he, Ala a'mage lagalìk pogot oba nen sele'mathesike.

It atì'nogo hagatarek atì nen, at Ala nen, it inetaùken nen nikenem inekalì lek hagatì logouagalùk, “Inoba lopok,” ìlùk heraksasike. It hìmì nen he, ap inom nogo egarek hagat nogo usak meneat he, it hìmì-hìmì nogo usak lek meneat nogo egarek atì. Atì hak, it ap en hogo re, ap en hìmì inom nogo egarek hagat nogo ìgì'lek, we, ap-ap nogo egarek. It ap-ap inoba aiyage lagaikenem inekalì lek koloat hagataresik he, wene inokawerek en ùkùm inoba hakagaresik he, inebe weak agaikarek atì. It en he: “Ala ebe ninelu logousak he, ninabìt o,” ìlùk at ebe it ina'la meathesukwama re, at an he: “It ina'la akìlì'lùgì atì kolo o. Nabìt. It en he, weak meneat he, hano, ìlùk akagarek atì, atì'nogo inoba lopok akìkì logolìk hagasusak lek mene hagarìkì logonìk,” ìlùk inebe heraksikerek.

It inetaùken atì'nogo motok abit haga'larìk logolìgat he, “Nit ninetaùken motok kagalek o,” ìlùk egarek atì. Inetaùken abit agaikesik he, Ala ebe hili agarek lek mene, hogorasusak mene atì heraksìlìk he, obùlù'mo re, hili agarek mene ineki nen apùnì-apùnì hagarogo hìgìk, sùe-sùe hagarogo hìgìk, wam-wam, paik-paik, yeke-yeke hagarogo hìgìk, walo-walo hagarogo hìgìk, ìlìk he, hogoratarek atì.