Popular Bible Verses from Titus 1

Share

It eti, inambe paga nen, “An Allah ebe nilu o,” yiluk, inane ʼbukakogo yisi dogoligat, “Ebe ninonggodek,” yiluk yu kak, inasuk warek degat, Allah aʼit mende kagako dogolik, yi mende ndi mende panorogo kagasusak it mondok erlok dek werek o.

Allah nen akoni amberek at ake ʼbakalok panorinake mende kalok, it inake yi mende ndi mende pano arlek ʼbiyalok werek o. Esigit diluk mendeat, it amberek inendainggen Allah oba panggot digidek dogolik, inakla ambiligogi mende inom, eberigogi mende inom, weyagat werek eti paga, it inake yi mende ndi mende pano dek. Weyak arlek o.

Wene akoni panorinabigogo wene yanggul isasi dogolik inasuk panorogo wakik, at nen ebe wene yisinem, it amberek nen, at ane sagalogo kagakonem, at nen inane erlok sagalogo ʼbiyigik, erlogat kagako dogowagaluk, wene nit nen yanggul ikugumo, eberogonat yiluk waganggikesik, at obabut motogo obatnerogo pago werek mende kalok mendusak o.

Ap Allah aʼburi amberek inanggorlem dogolik, Allah ake kagako dogogin eti paga, it amberek nen wene oba ʼbiligogi dek mende kalok, mendusak o. At nen, “It amberek yisinem weyak. An yigi arlek pano,” yiluk, yiligogo dek mende kalok, akla agaga korok panggoksek dek mende kalok, i anggur enggen ambusu oba labogo niligogo dek mende kalok, akla agaga korogat kagarigogo dek mende kalok, “Uang, yi mende ndi mende an narligat noba dogolep,” yiluk, ambaligogo dek mende kalok, ap kuso wagonem aguma panorogo woginabigogo mende kalok, pano kagarigogi eti mende dombok warlok ambaligogo mende kalok, endainggen enggaerek nen anggorlem werek mende kalok, obabut motogo kagarigogo mende kalok, ebe Allah ake nggaʼberek werek mende kalok, enggaerek nen asuk warek werek mende kalok, mendusak o.

Akoni Allah aʼburi amberek inanggorlem dogowagaluk mendiyausak eti inobabut yi negen mende mendiyausak o. Akoni amberek nen, “At weyak,” yiluk wene oba ʼbiligogi dek mende kalok, age omanggiat waganek mende kalok, aʼburi inendainggen Allah oba panggot diluk dogoligogo mende kalok, it amberek nen yisi dogolik, “Ap yi aʼburi inasuk warek dek yugunat kagarigogi eti ninaʼit,” yiluk, abok mbaligogi dek mende kalok, mendusak o.