Popular Bible Verses from Roma 8

Share

At Allah akla ambalok nit ninayonggo ʼbisikesik, nit at ebe ninendainggen kunik werek mende, at ninom dogolik, yi mende ndi mende pano asuwagaluk, kagat diniligogo eti nit ninilu.

Esigit diluk mende, Allah ninebe ninaʼbuwa nen ninewe Endaganggok Kristus Yesus woknisasikemo ebe watlagike eti paga ninom kunik werekma ninebe watlasumo inom, niniluk dogumo inom, eti paga agot ninabusak erlok dek o. Malaikat mbogot oba yonggo liligogo mende eti inom, mbogot oba inobatne werek mende amberek inom nen, agot ninabusak erlok degat o. Yi mende ndi mende yogondak kagat larigogo mende inom, yabunggane kagat lasigin mende inom, eti nen agot ninabusak erlok dek o. Nen, obatne werek mende amberek nen agot ninabusak erlok degat o. Nen, yi mende ndi mende mbogot oba dogoligogo mende inom, wema paga dogoligogo mende inom, eti nen agot ninabusak erlok dek o. Nen, Allah nen walkasike mende ninat mende amberek nen agot ninabusak erlok degat o. At Allah nen ninebe ninaʼbuwa kasikemo, Kristus Yesus kagakike eti paga, taʼbokogonat esigit diluk weyak kagat ninakonem nit agot ninabusak erlok dek o. Mende, akoni olin ndamulogo inatluk inobatne arigogi kak, nit ninobatne arigogi yiluk didiligogi o.

Esigit diluk anggorlem dogolik, nit ninebe ninobatne dek werekma, Allah Agurengge nen yamak niyiligogo. Nit Allah ayonggo ʼbuwogoluk ninane ninggit diluk yuʼbuk, ninobake mbalatluk werekma, Allah Agurengge nen akoni inane paga yusak erlok dek mende, endainggen ane paga Allah ayonggo ʼbiligogo.

Wene taʼbokogonat eti ake, nit nen ninggit diluk yugun. Allah nit werekmangge ago kalok, ta nen kai dinanusak nogo. Erlok dek o.

Yogondak nit Kristus Yesus ninom kunik werek mende Allah nen wene ninoba ʼbiluk weyagat ninabigin dek o.

Akoni inobabut inikogat dogolik kagarigogi mende oba ebeko dogogun kalok, ilugun oba inebe mondok watlasugun. Mende, Allah Agurengge inakla nggagalkonem kagarigogo mende oba ebeko dogogun kalok, inendainggen kambukogo iniluk mondok dogogun o.

Esigit diluk mende, Allah ninebe ninaʼbuwa nen ninewe Endaganggok Kristus Yesus woknisasikemo ebe watlagike eti paga ninom kunik werekma ninebe watlasumo inom, niniluk dogumo inom, eti paga agot ninabusak erlok dek o. Malaikat mbogot oba yonggo liligogo mende eti inom, mbogot oba inobatne werek mende amberek inom nen, agot ninabusak erlok degat o. Yi mende ndi mende yogondak kagat larigogo mende inom, yabunggane kagat lasigin mende inom, eti nen agot ninabusak erlok dek o. Nen, obatne werek mende amberek nen agot ninabusak erlok degat o. Nen, yi mende ndi mende mbogot oba dogoligogo mende inom, wema paga dogoligogo mende inom, eti nen agot ninabusak erlok dek o. Nen, Allah nen walkasike mende ninat mende amberek nen agot ninabusak erlok degat o. At Allah nen ninebe ninaʼbuwa kasikemo, Kristus Yesus kagakike eti paga, taʼbokogonat esigit diluk weyak kagat ninakonem nit agot ninabusak erlok dek o. Mende, akoni olin ndamulogo inatluk inobatne arigogi kak, nit ninobatne arigogi yiluk didiligogi o.

Nit o yogondak werek ya paga, yi aik ndi aik kiligogi eti, ʼbugurlagat negen. Mende, yabunggane, Allah nen ninebe ninat mende kagat ninakonem pogot ninabugun etiat mondok nggogat o. Eti paga, imbisak walkamo imbisak ndak dek yiluk, nakla ambaligogo o.

At Kristus ninebe ninaʼbuwa nen ninom kunik werekma, ta nen agot ninabusak. Yi weyak ndi weyak ninoba kagat lagik, anggin mende ninoba agik, kagasugun eti paga, agot ninabusak a? Erlok dek o. Akoni nen, “Kinebe Allah aʼburi,” yiluk weyagat ninabugun eti paga agot ninabusak a? Kimbiri no agik, niniyom yi mende ndi mende dek agik, kagat lasigin eti paga agot ninabusak a? Kusumbi yigik, ninebe ninakik, kagat lasigin, eti paga agot ninabusak a? Erlok dek o.

Esigit diluk ayonggo ʼbisinem, at Allah nen ninendainggenma mondok mbenarigogo etnogo nen, at enggaerek akla ambiligogo mende ndak-ndagat, at Agurengge nen at aʼburi inake ayonggo ʼbisinem didiligogo.

Allah nen Agurengge wokisiligogo eti, akoni inebe akoni amberek inanduwanengge dogolik inobabut inayuk werek kagarigogi eti kak kagat kinako dogowagaluk wokisiligogo ʼbuk. Mende, at Allah enggaerek aʼburi kagat kinabiluk, erlat kinabuwagaluk wokisiligogo. Eti paga, it akoni Allah Agurengge nen wogisek liligogo mende, inebe dombok Allah aʼburiat werek o. Esigit diluk dogolik ninebe Allah Agurengge paga panggot diluk dogolik, men yiligogi, “Nombae Allah o. Nombae Allah o,” yiluk ninane ʼbukakogo yiligogi o.

It amberek nen akoni inobabut inikogat dogolik kagarigogi mende inobabut waganigogi mende eti, inakla wene akoni mende oba eberigogi o. Nen, it amberek nen Allah Agurengge obabut waganigogi mende, inakla wene at mende oba eberigogi.

At enggaerek aʼbut aʼbuwa nen pakigidek nit taʼbokogonat ninake watlasuwagaluk laʼbi wagike. At obabut pano nen esigit diluk woknisasikesik nen, yi mende ndi mende oba dulogo woknisagin dek nogo? Woknisaginat o.

Esigit diluk yiligogi eti, at Allah Agurengge nen, “Kinebe Allah aʼburi o,” yiluk yoknisasinem, nit ninendainggen oba nen esigit diluk yiligogi o. Nit ninebe Allah aʼburi kalok, at Kristus yi aik ndi aik kasike kak, kugun kalok, Allah nen nit Kristus ninomat pogot ninabigin eti paga, Allah nen yi mende ndi mende at aʼburi wogisagaluk abok yogisasike mende eti, at Kristus ninomat woknisamo, indewerek dogogun o.

Akoni inobabut inikogat dogolik kagarigogi mende etnogo oba ebeko dogolik, Allah apma unggiluk ane kologo kagako dogusak erlok dek yiluk kologo kagarigogo dek eti paga, at inom weyak werek o.

Mbogot agat yi mende ndi mende Allah nen walkasike mende yoma nen, “Allah aʼburi inebe ninat kagarinakonem selekma pogorinabugun eti ngginem kagat lasigin,” yiluk, arlik kiligogi.

Kumi nen, ineyagi endaginako dogolik, ineyagi kenet weyak wako dogolik inendainggen ane yiligogi kak, mbogot agat yi mende ndi mende Allah nen walkasike mende yoma taʼbokogonat o paganeat nen kenet wako dogolik inendainggen ane yiligogiat o.