Popular Bible Verses from Roma 14

Share

Allah apma dogolik, yi mende ndi mende ninggik, togot digik, kagarigogi eti ebe nggok ʼbuk. Ebe nggok, Allah Agurengge inakla dogolik, Allah akla warlok mende mot-mot kagakik, inendainggen kambukogo welagik, inakla arlenggen kigik, kagarigogi eti paga, kat kakla nen, “An pano kagarigogo o,” yiluk ambaligogon mende, it akoni amberek nen kabok weyak yunogo yiluk, esigit diluk kagako dogogup o. Kit Kristus anduwanengge dogolik, wene eti pasik pano kagako dogumo, Allah akla nen pano yigik, akoni inakla nen, “At pano,” yiluk inakla ambigik, yugun o.

Nit niniluk werek kalok, ninewe Endaganggok akeat werek. Nen, watlasugun kalok, at akeat watlasugun o. Eti paga, niniluk dogusak inom, watlasusak inom, at mende werek.

Eti paga, ninendainggen kambukogo doguwogoluk, nit-nit omanggi nen omanggi endainggen korlet digik, omanggi nen, omanggi endainggen korlet digik, ninobatnerogo kagako doguwok o.

Eti paga, nit-nit nen, omanggi nen wene omanggi oba ʼbigik, omanggi nen, wene omanggi oba ʼbigik, ʼbisi dogusak dek o. Nit nen, ninagarlagi ninirugi ninom ninendainggen Allah oba panggot diligogi mende, weyagarinakik, inakla nggorlot diyigik, kagasunogo yiluk, kinobabut panorogo kagako dogono o.

Allah nen men yogisasike, “An kinombae Nendaganggok niluk mondok dogoligogo mende nen nane eberogonat yokisak. Akoni inebe dombok, an napma unggi witluk, it nen, Allah karat o, yiluk inambe paga dombok ʼbukakogo yoknisugun o,” yiluk yogisasikemo kolal mbalogo ʼbisuka. Yabunggane, ninebe dombok nen, “An yigit diluk kagaki eti, ebe yigit diluk nen kagaki,” yiluk, wene at Allah at mbilelogo yogosugun o.

Kinagarlagi kinirugi inendainggen Allah oba dikogo panggot digidek inendainggen awan werek mende eti, it inobabut, “Yigit diluk kagasusak, ndigit diluk kagasusak,” yiluk yiligogi mende eti pasik mberisigidegat woginako dogono o.

Ap omanggi anduwanengge mende, kit nen, wene inoba ʼbusak a? “At yi weyak kagake. Korek latnek,” nen, “At eti pano kagake. Mendek dogonek,” yiluk it inewe nggok eti nenat yusak o. Mende, mendek dogowagaluk, ninewe Endaganggok nen yogisausak erlok mende nenat yogisamo mendek dogogun o.