Popular Bible Verses from Roma 10

Share

Kambe paga nen, “Ninewe Endaganggok Yesus at o,” yiluk ʼbukakogo yigik, nen, kakla nen, “Yesus ebe watlagikesikmo, Allah nen ilugut disikemo werek o,” yiluk eberogonat ambigik, kagasumo, ndil kabiginat o.

Akoni inendainggen Allah oba panggot disinem, at nen wene inoba mende nggorogo ʼbiluk, yabunggane suguluk at inom kunogo ʼbiyiligogo. Nen, inambe paga nen, at abok ʼbukakogo yisinem nen, ndil inabigogo o.

Mende, pano wene eti, Kristus abok yogisa lagonemat inasuk koligogi o. Nen, wene inasuk kol diluk nen, inendainggen at oba panggot diligogi o.

Allah wene paga kolal mbalogo ʼbisi dogolik men yisuka, “Akoni inendainggen at oba panggot dugun mende inenggarli kugun mondok dek o,” yiluk kolal mbalogo ʼbisuka. It akoni Yahudi mende ninat, nen, akoni sikmangge mende ninat, yusak dek. Nit taʼbokogonat ninombae Endaganggok, Allah omanggiat o. Nen, at nen wogisawagaluk ayonggo ʼbiligogi mende inebe taʼbokogonat nggokogonat wogisiligogo o. At nen yisi dogolik, “It amberek nen an kinombae Nendaganggok Allah nendaga mbaligogi mende, taʼbokogonat ndil inabigin o,” yiluk yisikemo kolal mbalogo ʼbisuka.

Allah nen wene omanggi men yisike, “Akoni pano wene wolok yogisa liligogi mende eti, pano mondok o,” yiluk yisikemo kolal mbalogo ʼbisukama werek mende, pano wene eti wolok lowagaluk inayonggo ʼbiluk laʼbiyigidek kalok, ninggit diluk nen yogisa lausak. Nen, it amberek nen wene ebe yogisa lagidek werek nggorlek, at abok ninggit diluk inasuk kolusak. Nen, at abok kolkidek dogolik, ninggit diluk inendainggen at oba panggot dusak. Akoni inendainggen at oba panggot digidek dogolik, endaga ninggit diluk mbalusak.

Allah nen wene omanggi men yisike, “Akoni pano wene wolok yogisa liligogi mende eti, pano mondok o,” yiluk yisikemo kolal mbalogo ʼbisukama werek mende, pano wene eti wolok lowagaluk inayonggo ʼbiluk laʼbiyigidek kalok, ninggit diluk nen yogisa lausak. Nen, it amberek nen wene ebe yogisa lagidek werek nggorlek, at abok ninggit diluk inasuk kolusak. Nen, at abok kolkidek dogolik, ninggit diluk inendainggen at oba panggot dusak. Akoni inendainggen at oba panggot digidek dogolik, endaga ninggit diluk mbalusak.

At Kristus ebe agat oba wusa wagike eti paga, wene Allah nen ninasuk wakike wene etnogo ebeat agike o. Akoni inendainggen at Kristus oba panggot diligogi mende inebe dombok, wene inoba mende nggorogo ʼbiluk, yabunggane suguluk Allah inom kunogo ʼbiyiligogo.