Popular Bible Verses from Wahyu 7

Share

Esigit diluk kigirik oba nen, yabunggane nilenggen lagiyigi mende, yi akoni ndi akoni inunggulowak endaga dombok, inowado dombok, inaguma dombok, inane dombok, iniyom nggut uwandek yugu mende, akoni nen endai wako dogolik, yaʼbengga senggerlogo ininggimo waganigogi eti kak, ongga mende ininggimo wolok, Allah nggok dogoligogo mende obalikmo etoma Domba Eyak imbisak dogoligogoma inilka paga nandorlek inebe kurli yi paga yiluk, ininggi wenasusak mondok erlok dek dogolik, inane nggokogo men yisi lagaka

“Yi wu, ya wu, ............................... oi Ninombae Allah nggok kobalikmo dogoligogo mende, oi Domba Eyak kimbisak, .................... oi Ndil ninabigogo mende erlo, ..................... oi Kirat werek,” .................................. oi yiluk endai wako lagaka iyigi o.

Esigit diluk ʼbiyamo werekma, Domba Eyak etnogo Allah nggok dogoligogo mende obalikmo ebe ndumo dogolik, akoni nen wam pagisek dogoligogi eti kak, it inanggorlem mondok dogolik, i akoni inebe inilugurinabigogo mende nowagaluk, i elesimo wogisek lagik, Allah nen inil ambusu kokik, kagako dogogun eti paga, kimbiri inom, i inom, abu ago dogogun mondok dek o. Nen, mo nen inom, kindu nen inom, aik nen yagalinako dogogin mondok degat o,” yiluk yokneke.

It esigit diluk kagakasikmo nogo nen, Allah nggok dogoligogo mende obalikmo ebe werekma ilka paga mendek dogolik, at ago palekma at ake dinggagane kibanggone kagako mondok werekma, at nggok dogoligogo mende obalikmo werek etnogo nen, mo aik nen akoni inasunogo yiluk, orliya paligogi eti kak, at ebe nen it salogo pagisek dogogin o. Esigit diluk ʼbiyamo werekma, Domba Eyak etnogo Allah nggok dogoligogo mende obalikmo ebe ndumo dogolik, akoni nen wam pagisek dogoligogi eti kak, it inanggorlem mondok dogolik, i akoni inebe inilugurinabigogo mende nowagaluk, i elesimo wogisek lagik, Allah nen inil ambusu kokik, kagako dogogun eti paga, kimbiri inom, i inom, abu ago dogogun mondok dek o. Nen, mo nen inom, kindu nen inom, aik nen yagalinako dogogin mondok degat o,” yiluk yokneke.

“Nit nen, it ninombae Allah anduwanengge mende ninakla enggerlogo Allah asirlo negen inilkawak oba awan ʼbiyigidek werek nggorlek agat inom, i laut yenggelek inom, o erlo inom, weyagat dusak dek o,” yiluk yogiseke. Esigit diluk yogisekesik nen, akoni Israel nen endago mende inunggulowak endaga dombok taʼbokogonat inakla enggerlogo Allah asirlo negen inilkawak oba ʼbiyilik lagakesik, “Inebe kurli 144.000 paga sirlo negen ʼbiyilik lagoma,” yiluk yisinem kolki o.