Popular Bible Verses from Filipi 4

Share

Yi mende ndi mende ake wene munini uwan ʼbero ebekidek, taʼbokogonat ake Allah ayonggo ʼbisi dogolik keyagi warogo nggino yogoko dogono o.

Esigit diluk yogoko dogogun kalok, Kristus Yesus kinom kunik werek eti paga, at Allah nen akoni nen didusak dek mende elalinat kinendainggen kambugut dinagaluk, wene munini ebeko lagap mende eti at nenat sebelogo pakisek dogogin o.

Nagarlagi nirugi o. Wene ilugun oba yi omanggi yokisak. Kinakla ebeko dogolik, panorogo kagakik, pogorinabusak mende kagakik, kagarigogi mende oba ebeko dogono o. Eti ebe, wene eberogonat mende oba ebekik, pogorasusak mende oba ebekik, motogo kagarigogo mende oba ebekik, weyak mende togot diluk pano dombok kagarigogo mende oba ebekik, inoba kiyanerogo kagarigogo mende oba ebekik, inoba laʼbuk yusak mende oba ebekik, ebeko mondogat dogono o.

At Kristus nobatnet nako nggorlek nogo nen, yi mende ndi mende weyak agonem inom, pano agonem inom, erlok dogusagat o.

Eti paga, nagarlagi nirugi o. Kit ninewe Endaganggok kinom kunik dogolik, kibitngge-yogongge kinakla arlenggen kasi mondok dogono o. Yabunggane nane omanggi dagakogo yokisagat, Kinakla arlenggen kasi mondogat dogono o.

Nen, kit yi mende ndi mende kinamende dek werekma, an nombae Allah pogorarigogo mende Kristus Yesus imbisak kunik dogolik ininggiwerek mondok eti paga pogorarigogo mende etnogo nen, wokisasinem kininggiwerek asugun o.

Wene an nen yokisasinem kinasuk kolkik, an kagakonem kinilenggen niyigik kagako dogolik, wene waganggigisip nen yanggul kigip mende etnogo motogonat kagako dogono o. Esigit diluk kagakonem, Allah ninendainggen kambugut dinanigogo mende etnogo nen pakisek dogogin o.

Ninewe Endaganggok etnogo ibat wisigin eti akoni taʼbokogonat nen kit didinaguwagaluk, kinobabut sebe yiluk kagako dogono o.

An namende dek dogoligogo mende eti niluat, namende dogalegat dogoligogo eti niluat. Kimbiri abu paga inom, naʼitmo inom, yi mende ndi mende dogalegat werekma, dekma, eti an walkasigisikmo nogo nen taʼbokogonat pano arlek ambiligogo o.

An yi mende ndi mende dek kalok, werek kalok, nakla pano arlek dogusak yiluk arat yanggul asigi eti paga, yi mende ndi mende dek nen nggino yokisigi ʼbuk.