Popular Bible Verses from Ibrani 7

Share

Esigit diluk iluk mondok dogolik, nit akoni ninake Allah ayonggo ʼbisi mondok werek eti paga, nit akoni Allah werekma ungguwogoluk at oba lalok nen unggisinem erlok ndil ninabiluk nen ʼbogokogo mondok pano kagat ninabigin o.

Nit ninakla nen, “Ap omanggi Allah indewerek nggok nit ninake pano ʼbogokogo yigit diluk nggok dogolik kagako dogolep,” yiluk ambiligogi mende, Allah nen ninewe Yesus etiat mendisikemo werek o. At obabut, weyak nggorlo omanggi kagakidek, pano nggarelek mondok werekma, akoni weyak kagarigogi mende inakla nen nggarelogo mbogot abel ombongge ombo eloma liyaʼbisikemo nit ninake werek o.

It ap Allah indewerek nggokndek eti kibitngge-yogongge inenggaerek weyak kagarigogi mende pasik ndak, inanggo Allah ake wako dogolik nen yabunggane akoni amberek weyak kagarigogi mende pasik inanggo warogo Allah wogorigogi mende, at Yesus arligat, nit weyak kagarigogi mende pasik ninanggo Allah waresu kak, at ebe omanggi pasik watlago dogolik, ebe Allah wogokike o.