Popular Bible Verses from 1Timotius 6

Share

Akoni inae aʼbusuk walkawogoluk ta ae aʼbusuk ta ae aʼbusuk walkiligogi kak, niniluk mondok dogogun eti mende korla lagaluk, kendainggen Allah oba panggot diluk dogolik, at ake kobatnerogo kagako dogono o. Esigit diluk kagako dogoluk, eti mende korla lanok nen yiluk, Allah nen kayonggo ʼbisikemo, kat nen, “Nendainggen Kristus oba panggot diluk esigit diluk kagako dogogin,” yiluk akoni dogalegat inil oba ʼbukakogo yisigin eti ndak-ndagat kobatnerogo kagako dogono o.

Esigit dilugat mende, akoni nen, “Nggok, uang etiat,” yiluk inendainggen kunik dogolik nen, ilugun oba yi weyak ndi weyak kagarigogi erlo etiat o. It amberek nen uang eti mende kweyasuwogoluk, inendainggen Allah oba panggot diluk dogoligogi mende nenat, togot diyalok yabunggane o paga yarlukogo waraligogi kak, it inenggaerek inakla wiyik-weyakogo kagarigogi o. Eti paga, akoni amberek nen, “Yi mende ndi mende dogalekogo korlalok, ninebe nggok dogolep o,” yiluk ambiligogi eti, ʼbagi kerle ʼbilukmo unggisinem warigogo eti kak, Iblis nen inakla nggagalkonem, yi mende ndi mende warlok ambausak dek mende, weyagarinabigin mende warlok yiluk ambiligogi eti paga, inebe weyak akigik, nuk akigik, kagarigogi o.

Mende, ninagoyalak inakla nen endak lago dogolik, yi mende ndi mende nininggimo wolok wirigogi dek eti kak, ninebe watlago dogolik, yi mende ndi mende wolok lugun degat eti paga, nininggi werek dogu kak, nit Allah apma unggiluk dogolik ninakla nen, “Erlogat werek,” yiluk, ninobakanini kambuk yiluk dogumo, ebeat mende sabusagun o.

Mende, ninagoyalak inakla nen endak lago dogolik, yi mende ndi mende nininggimo wolok wirigogi dek eti kak, ninebe watlago dogolik, yi mende ndi mende wolok lugun degat eti paga, nininggi werek dogu kak, nit Allah apma unggiluk dogolik ninakla nen, “Erlogat werek,” yiluk, ninobakanini kambuk yiluk dogumo, ebeat mende sabusagun o.

Yi mende ndi mende taʼbokogonat dek asigin mende, it ap nggokndek inendaga werek mende eti inakla nen pogorakasi dogolik, “Namende agat oba mende yoma mondok dogalegat yoma paga nebe pano dogogin,” yiluk, ambasi dogunogo. At te, at Allah yi mende ndi mende taʼbokogonat ninakla arlenggen togo korlasi dogowagaluk nggokogo woknisiligogo etnogo nenat panot ninabigin yiluk didisi dogowak nen inasuk wako dogono o.

Esigit dilugat mende, akoni nen, “Nggok, uang etiat,” yiluk inendainggen kunik dogolik nen, ilugun oba yi weyak ndi weyak kagarigogi erlo etiat o. It amberek nen uang eti mende kweyasuwogoluk, inendainggen Allah oba panggot diluk dogoligogi mende nenat, togot diyalok yabunggane o paga yarlukogo waraligogi kak, it inenggaerek inakla wiyik-weyakogo kagarigogi o. Eti paga, akoni amberek nen, “Yi mende ndi mende dogalekogo korlalok, ninebe nggok dogolep o,” yiluk ambiligogi eti, ʼbagi kerle ʼbilukmo unggisinem warigogo eti kak, Iblis nen inakla nggagalkonem, yi mende ndi mende warlok ambausak dek mende, weyagarinabigin mende warlok yiluk ambiligogi eti paga, inebe weyak akigik, nuk akigik, kagarigogi o.

It eti panorogo kagako dogolik, inamende dogalegat dogu kak, akoni amberek panorogo yamagiyasi dogolik, inamende dek mende wogisigik, sumburisigik, kagako dogowagaluk inasuk wako dogono o. Esigit diluk kagako dogogun kalok, yi mende ndi mende yabunggane mende ake nandorlogo ʼbiligogi kak, pano kagako dogolik, yabunggane mondok dogogin mende pasigat ʼbakasi dogoluk nen, ninebe eberogonat ninilugut ninabumo dogogun eti mendeat korlawagaluk inasuk wako dogono o.