Popular Bible Verses from 1Timotius 2

Share

Allah ebe omanggi arligat o. Nen, Allah ninom, nit akoni ninom, kurli paga dogolik dambul ninabigogo mende ap ebe Yesus Kristus eti omanggi arligat o. At Kristus akoni taʼbokogonat weyak kagarigogi eti paga kerle warogo paknisek werekma kerle piyalogo ndil ninabigiluk enggaerek eramen, “Nebe nasuwak,” yiluk wagike eti paga, Allah akla nen, “Akoni taʼbokogonat ndil inabusak,” yiluk ambaligogo mende eti enggagat asusak ndak-ndagat enggagat agike o.

An nen wene omanggi nggok mende yi Allah aʼburi inasuk watnok nen yiluk yokisik o. Nit akoni ninom pano laʼbukogo dogolik nen, Allah pogorako dogolik, akoni inake motogo kagako dogusak mende kagako doguwok nen, akoni taʼbokogonat inake inom, nggokndek inendaga nggok inake inom, it amberek inendaga werek dogolik paknisek dogoligogi mende eti inebe taʼbokogonat inake inom, sembayan yisi dogolik, Allah ayonggo ʼbigik, nggino yogokik, keyagi wakik, kagako dogowagaluk inasuk wako dogono o.

Nen, o yi ai ndi ai sembayan yisi dogolik, it ap nen, ininggi nen omanggi weyak kagakidek, inakla agaga dagigidek, wenemuk akidek, nggaʼberek dogolik, sembayan yisi dogowagaluk, yanggul isausak yiluk nakla warlok ambigirik nen yokigi o. Eti kak, it kumi, inisi dalkik, mikak yirigogi kak emas mende yikik, manik-manik yirigogi kak mutiara mende yikik, su onggo nggok mende yikik, kagasusak mondok dek o. At te, inilaga iyokogo dogolik, inobanggengge siyokogo waganusak mende waganggo dogowagaluk yanggul isanok nen yiluk yokigi o. Inobanggengge waganu kak, inobabut Allah aʼburi dogolik kagasu kagat, it amberek panorogo yamagiyasi dogowak.