Popular Bible Verses from Ribilisan 3

Share

Talah, yang laih dūr yakat yultayang; angdika muihni yang yulki kidika dakawi dūr kidika apahwarang kat, witing ūni yakat āwik witing karak masan kasnin dini kidika kasnayangna karang.

Yang laih man ais yamtaman kidika bitik amanglatayang. Yang amanglatayang man laih sanni awas dawak daihni bik awasman kidika. ¡Man laih sanni kidik awaskat daihni atnam dai! Kaunah puihni man bahang, sanni dawak daihni bik awas, tikpas kaupak tiking mayaknayang karang.

Yang laih angdika muihni balna dalani ditalayang kidika laih dibiltayang dawak bik barangni ātayang. Kaput bahang, minit anyang awah dawak bik Papang yakat wirlawah.

Yang laih man ais yamtaman balna kidika bitik amanglatayang; man muhma yakat dūr as apahtik danayang muih as bik sip putwas ki, dawak parasma dibin dutaman karang bik, yang yulki kidika kat dakanam dawak dikah yatisman dai.

Angdika muihni balna minit bayayakwarang kidika laih yang tronki yakat pa as dianayang karang, sihm yang minit bayaktik Papangki tronni yakat yalahnayang kapat.

Bahang man yultaman man laih di duyang man, yamni man dawak di as bik dis awas man; dawak man laih kaldakasman alasna dis dutni man kidika, di dis, mamakunni dawak wahdis man kidika.

Yang laki balna yakat daka yamnaman, kidika bahang laihwi talnin mani balna kaiwakat adika sauni muihni balna bitik minitna yakat, yang namatdakki.

Sirihni palni aiwayang. Ais dutaman kidika apaktah, muih as bik man warkma minit kidika madakyaknin awas yulni.

Sahmuhtah dawak di balna baisa yamnin sip kidika yamtah, kaunah uman dauninna manah ki, bahang man di yamtaman balna kidika laih yang Papangki muhni yakat yamni awaski.