Popular Bible Verses from Job 1

Share

Dawakat, Job witing yaklauwi parakni iswi bisna, witing dalani nuhni duna kidika yulni, basni karhwi dawi limbabahna minit yulnin kapat. Dawakat aput yulna: —Asna dis aiwanayang adika sauni akat, kaput bik asna dis adika sauni kaupak yawakiki. Dawan yaklauwi yana, dawak Dawan yaklauwi yadakyakna: ¡Dawan ayangni kidika nuhni yamna karang! Kaput laih, witing yakat di bitik kalahna kidika, Job dutni yamwasdai, dawak Papang niningyakat bik dutni yulwasdai.

Uz sauni yakat muih al as sakdai ayangni laih Job, witing sangnika kidika laih barangni, dawak dutni as bik disdai, Papang yulni kat dakawi yamwadai, isning yakat kulwadai muih kau dutni yamnin-awas.

Dawak Dawan yaklau kalyulna: —¿Yang diki yamyang Job kidika yamni lakta talnamanh? Sau yakat ūk diski witing kapat, yang yulki kat dakawi yamwi, sangnika barangni ki dawak dutni asbik diski, kaput bik isning aiwi dutni yamnin-awas, muih balna yakat.

Dawan yaklauwi yul trukyang yakat nangnitlana: —Yamni ki. Man amput yamkih mawa yakat yamta Job dini balna kidika, kauna witing muihni yakat laih dutni as bik kalyamwinih. Kaput laih, muih yulnina trukyang kidika Dawan muhni kaupak kalahwi kiunadai.