—Man Papang kaupak yul duaita mayanaman kidika yakat rahm kuldas karang. Nawatkauh laih, ban yamta awanaki yangna yamnin kulnayangna kidika. Walapni bustayangna ban karang dawak wain bik uitik kalatayangna ban karang dawan dauh makau kisang kingni yal yakat yang amput yamtik aiwayangna kaput warmani kat, sara mani kau muihkina bararak balna dawak ma kingki balna, dawak Judá tawanni nunuhni balna tunan muihni balna bik yayamna dai kaput Jerusalén tani pasyakat. Tanit mani yakat kasnin dini mahni duda dai dawak di dutni as bik kaiwas dai