Popular Bible Verses from Isaías 45

Share

Gol malna bangkidika bitik yang maki, di minit nuhni malnikau bangkidika bik, kaput laih man amanglana atnam yang laih Dawan yang, Israel Papangni, man ayangma kau yaktik yultayang kidika.

“Man tamat yakat yang yawaki, maluihni balna kidika bitik tuklakki, bras dūrni balna kidika bitik bahna awaki, dawak ayan balna kidika bitik laih bahki.

Yang laih Dawan yang, ūk diski; yang kaupak Papang ūk diski. Yang lawik ridi mayaknayang kalbauna atnam, man yang akat amangkilatasman dai bik, muih bitik dakana atnin, makilwa kaupak makawa kat, yang kaupak ūk diski. Yang laih Dawan yang ūk diski.

Yang lawik yamtayang yaringni dawak puksani kidika bik, yamni atnin kidika bik yamtayang, dawak dutni atnin kidika bik. Yang Dawan yang adika, di bitik yamtayang.

“Yang akat aiwanauh manalaihtik yakki, sau sutni kau bangmana kidika, yang laih Papang yang, ūk laih diski.

Dawan yaklauwi witing dini yakna, Ciro kidika king kapat, dawak tingni yakat laihna king ūk balna kidika bitik kalni dinit yakat duna atnin, dawak king balna kalbaunin dini duduwa kidika bitik laihwi dakyakna atnin. Dawan yaklauwi yamna, Ciro niningyakat tawan nunuhni balna dūrnina bitik apahna atnin, putnin sip-awas atnin muih as bik. Dawak waralaih kalyulwi

Yang ayangki kau yaktik yulnayang, minit bayaknin kidika pramis yamnayang, bahang kidika pranimis kat laih yamna awaki: yang muhkit yakat muih bitik laih limbabahna karang, dawak yang ayangki kau yakwi yuyulna karang, bitik

Yang diki yamyang Jacob yakat kultayang kidika yulni, dawak Israel muihni balna yaktik dunayang kidika yulni, man ayangma kau yaktik yulnayang dawak waradika ayangma nuhni dutaman kidika waradika, yang akat yatalyang awas man dai bik.