Popular Bible Verses from Efesus 5

Share

Manna, Papang walanibis witing dalani manatalwa kidika, witing yamwa kaput yamtanauh. Bitik kau dalani ditalnauh, Krais dalani maitalna kapat bitik kau, dawak mayang mayulki dauna kidika, sakripais walapni as kapat Papang muhni yakat.

Kaput bahang, amungtalnauh yamtamana kidika. Tapadadas kapat laih yalalahwinih, kaunah sins lani karak. Adika mani balna yamni yusyamtanauh, kat mani balna adika laih dudutni bahang.

Wasak dadauwinih, kat kidika yaklauwi laih mailaihwatwas maiduwi kiwi; nawatkauh laih, Spirit Holi kidika manabuhng dawang. Biri biri yulbautanauh salmo, dawak spirit laniwana balna karak, unbautanauh, dawak ismangna bitik Dawan ayangni nuhni yamtanauh. Papang yakat ban kaput tingki kalatanauh, di bitik Papangni kidika, Madakiwan Jisaskrais ayangni yakat.

Mutu kapat di yayamwinih; amanglatanauh angdika Dawan kulwa kidika.

Alnina balna mana kidika, yalmana balna yakat dalani talnauh, Krais suts yakat dalani talna kapat, dawak bik witing sangnika āna kidika.

Manna tanit kauh laih puksani yakat yalahtamana dai, kaunah waralaih Dawan karak aslah mana yulni, yaringni yakat yalahtamana. Yaringni muihni balna kapat awanauh

Manna biri biri kallaihnu awanauh, Krais risnipik kau.

Yalnina balna kidika witingna alnina yulni dakanin ki, sihm Dawan yulni dakawa kapat.

Kidika balna bitik yakat, man yalma yakat dalani talah, man muihma kapat, dawak bik yal kidika alni yakat rispik kalawang.

“Kidika bahang muih al kidika papangni dawak nanangni dawarang, yalni karak aslah kalahnin yulni, dawak muih bu kidika kaupak muihnina aslah kalalahwarang.”

Dutni lapapakwa balna kidika karak manna kalpakta lan kakalwinih; tanit yamni ki lāih yulta yaktanauh.