Popular Bible Verses from 2 Pita 3

Share

Dawan witing pranimis yamnin kidika laih tahawas karang ki, muih balna buas yuyulwa kaput; kaunah witing laih manna yakat kulnin laihwatnin lani duwi, bahang witing dukih kalawas ki muih as bik dauna atnin, kaunah muih bitik Papang yakat wiryaklana atnin kidika dukih kalawi.

Baisa kidika minityakat, wanaihki dalani balna, damatnakahnin awaski Dawan niningyakat laih ma as kidika sihm kurih 1000 kapat ki, dawak kurih 1000 kidika laih sihm ma as kapat ki.

Kaunah Madakiwan Jisas Krais kidika yamni amangnilatanauh dawak witing dalani lani duwa yakat baraktanauh. ¡Witing alasnina yaksihni kidika laih waradika dawak ban kaput karang! Kaput karang.

Kaunah Dawan kainin mani kidika laih sihm di malyang kapat kaiwarang ki. Bahang kisang balna kidika laih parasni yamadangni atwarang ki, dunin dini balna kidika laih kuhpau yaklau daukalmukna karang ki, dawak sau yakat di balna bangkidika laih, Papang lani kidika dinityakat watna karang ki.

Bahang kaput laih di balna bitik kidika daukalna karang ki, ¡manna laih ampus holi dawak dalani lani karak yalahtanamayah! Papang kaiwarang mani kidika tahatanauh, dawak traitala sirihni yamtanauh. Kidika mani kisang balna kidika laih kuhpau yaklau daukalmukna karang ki, dawak dunin dini balna kidika laih kuh dahlwa pasyakat arwi dislalana karang ki