Popular Bible Verses from Mtuletelo 11

Share

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Kambe msana ka masiku ale a mararu ni hafu, moya wa wutomi, wa kuta ngu ka Txizimu, wu to wulela mndani ka sirumbi, se sona si khukha si ema. Se avale va nga txi si woneleta va to dhuka ni kuthava.

Tona ti ni mtamo wa kuseka nzuma ti to ma si wi mati ka masiku a wuprofeti wa txona. Tina ni mtamo kambe wo hindula mati otshe me maha mnoha; tina ni mtamo wo peka mafu ngu mitungu yihi ni yihi, sotshe sikhati, ngako ti txi ti lava.

Ayiya ngu yona miolivha ya yimbidi ni sipande sa simbidi sa malambu, si ku masoni ka mkoma wa mafu. Ngako m'thu a txi lava ku ti mahela wubihi tifakazi tile, ku na huma mndilo ngu txisofuni ka tona, awu wu no pfunulela valala va tona; inna, ngako m'thu a txi duketa ku ti mahela wubihi ngu tona ti a nga txi fanela kufisa tona.